Պաշտոնական․ Տոտենհեմը հայտարարեց Մոուրինյուին հեռացնելու մասին

«Տոտենհեմը» պաշտոնական կայքում հայտարարություն է տարածել թիմի գլխավոր մարզիչ Ժոզե Մոուրինյուի՝ պաշտոնից հեռացվելու մասին։

«Ակումբն այսօր կարող է հայտարարել Ժոզե Մոուրինյուի և նրա մարզչական շտաբի պաշտոնանկության մասին։

Թիմի այսօրվա մարզումը կանցկացնի Ռայան Մեյսոնը։ Մանրամասները կներկայացվեն ավելի ուշ»,- ասված է ակումբի հայտարարության մեջ։

Վերջին 5 խաղերում լոնդոնցիները միայն մեկ հաղթանակ են տարել, երկու անգամ պարտվել են ու նույնքան էլ խաղացել են ոչ-ոքի։ Մրցաշրջանի ավարտից 6 տուր առաջ թիմը ԱՊԼ մրցաշարային աղյուսակի 7-րդ տեղում է և եվրագավաթային գոտուց հետ է մնում 4 միավորով։

Մոուրինյուն «Տոտենհեմը» գլխավորել է 2019 թվականին՝ այդ պաշտոնում փոխարինելով մրցաշրջանը վատ մեկնարկած Մաուրիսիո Պոչետինոյին։ Պորտուգալացի մասնագետի գլխավորությամբ թիմը ԱՊԼ-ն ավարտեց 6-րդ տեղում ու մասնակցեց Չեմպիոնների լիգային, որից դուրս մնաց 1/8 եզրափակչում Զագրեբի «Դինամոյին» պարտվելուց հետո։

Մինչ «Տոտենհեմը» Մոուրինյուն գլխավորել էր ՄՅՈՒ-ն, «Չելսին», «Ռեալը», «Ինտերը» և «Պորտուն»։