Մանրամասներ՝ Վանաձոր-Ստեփանավան ավտոճանապարհին տեղի ունեցած ավտովթարից. 9 տուժածների թվում անչափահասներ կան

Ինչպես քիչ առաջ նշեցինք, ապրիլի 18-ին, ժամը 18։23-ին Ճգնաժամային կառավարման ազգային կենտրոն ահազանգ է ստացվել, որ Լոռու մարզի Վանաձոր-Ստեփանավան ավտոճանապարհին տեղի է ունեցել ՃՏՊ․ բախվել են երեք ավտոմեքենա:

Դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից երկու մարտական հաշվարկ։

Պարզվել է, որ Ժամը 18:00-ի սահմաններում, Վանաձոր-Ստեփանավան ավտոճանապարհի 1-ին կմ-ին, Բազում գյուղի բնակիչ, 34-ամյա Աշոտ Ղազարյանը՝ իր վարած ՎԱԶ-2121 մակնիշի ավտոմեքենայով բախվել է Վանաձոր քաղաքի բնակիչ, 68-ամյա Արմեն Ամիրխանյանի վարած Mitsubishi Pajero մակնիշի ավտոմեքենային և Լոռու մարզի Ուռուտ գյուղի բնակիչ, 43-ամյա Հմայակ Գաբրիելյանի վարած Volkswagen մակնիշի ավտոմեքենային:

Վթարի հետևանքով Mitsubishi-ն գլխիվայր շրջվել է: Աշոտ Ղազարյանը մարմնական վնասվածքներով տեղափոխվել է Վանաձորի զինվորական հոսպիտալ, իսկ նրա ուղևորներ, Բազում գյուղի բնակիչ, 57-ամյա Անահիտ Ղազանչյանը, Վանաձորի բնակիչներ, 11-ամյա Ինեսա Ա.-ն, 15-ամյա Ալիսա Ա.-ն, վերջիններս հարազատ քույրեր են, Բազում գյուղի բնակիչ, 59-ամյա Արսեն Ղազարյանը, 57-ամյա Կարինե Ղազարյանը, վերջիններս քույր ու եղբայր են, մարմնական վնասվածքներով տեղափոխվել են «Վանաձոր» բժշկական կենտրոն:

Նշված բժշկական կենտրոն են տեղափոխվել նաև Հ. Գաբրիելյանը, նրա ուղևորներ, Ուռուտ գյուղի բնակիչներ, 38-ամյա Թեհմինե Գաբրիելյանը, 16-ամյա Աննա Գ.-ն, 15-ամյա Լիաննա Գ.-ն: Փրկարարները հոսանքազրկել են ավտոմեքենաները, Volkswagen-ի միջից դուրս բերել վարորդին և մոտեցրել շտապօգնության ավտոմեքենային:

Նշենք, որ «Volkswagen Golf» մակնիշի ավտոմեքենայի վարորդ Հմայակ Գաբրիելյանը արգելափակվել էր ավտոմեքենայում։

Մինչ փրկարարների կանչի վայր հասնելը, տուժածները տեղի ուժերով հոսպիտալացվել են Վանաձոր քաղաքի ԲԿ։

Բժիշկները տուժածներ Ալիսա․ Ա․-ի (ծնված 2006 թ․), Ինեսսա․ Ա․-ի (ծնված 2010 թ․), Թեհմինա․ Գաբրիելյանի (ծնված 1983 թ․), Աննա․ Գ․-ի (ծնված 2005 թ․), Հմայակ․ Գաբրիելյանի (ծնված 1978 թ․), Կարինե  Ղազարյանի (ծնված 1964 թ․) և Արսեն Ղազարյանի (ծնված 1962 թ․) առողջական վիճակը գնահատել են բավարար, իսկ Անահիտ Ղազանչյանի վիճակը (ծնված 1964 թ․)՝ ծայրահեղ ծանր։

Փրկարարները հոսանքազրկել են ավտոմեքենաները, հատուկ տեխնիկայի միջոցով «Volkswagen Golf» մակնիշի ավտոմեքենայի վարորդին դուրս են բերել արգելափակումից, մոտեցրել շտապօգնության ավտոմեքենային և իրականացրել ճանապարհահատվածի լվացման աշխատանքներ։

Ինչպես հայտնում է Shamshyan.com-ը՝ վթարի հետևանքով Mitsibishi-ն գլխիվայր շրջվել է: Կայքի տեղեկություններով՝ վարորդներից Աշոտ Ղազարյանը ծառայում է ՀՀ ՊՆ զորամասում:

Ինչպես քիչ առաջ նշեցինք, Ժամը 22:40-ի սահմաններում, «Վանաձոր» բժշկական կենտրոն տեղափոխված, 57-ամյա Անահիտ Ղազանչյանը մահացել է: