Շախմատի հավակնորդների մրցաշարը վերսկսվում է

Եկատերինբուրգում վերսկսվում է Շախմատի աշխարհի չեմպիոնի հավակնորդների մրցախաղը:
«Արմենպրես»-ի հաղորդմամբ` այս մասին հայտնում են կազմակերպիչները:

Հավակնորդների մրցաշարը դադարեցվել էր նախորդ տարվա մարտի 26-ին կորոնավիրուսի պանդեմիայի պատճառով: Այն կվերսկսվի ապրիլի 19-ին: Բոլոր մասնակիցներն արդեն իսկ Եկատերինբուրգում են:

Մրցաշարում անցկացվել է 7 տուր: Մրցաշարային աղյուսակում երկիշխանություն է: Յան Նեպոմնյաշչին և Մաքսիմ Վաշիե-Լագրավն ունեն 4,5-ական միավոր:

Մրցաշարին մասնակցում է 8 շախմատիստ՝ Ֆաբիանո Կարուանան, Դին Լիժենը, Անիշ Գիրին, Ալեքսանդր Գրիշչուկը, Յան Նեպոմնյաշչին, Կիրիլ Ալեքսեենկոն, Վան Հաոն և Մաքսիմ Վաշիե-Լագրավը:

Կորոնավիրուսային իրավիճակից ելնելով՝ մրցաշարի մասնակցությունից հրաժարվել է աշխարհի գավաթակիր Թեյմուր Ռաջաբովը, որը ՖԻԴԵ-ին խնդրել էր հետաձգել մրցաշարը: Նրա փոխարեն մրցաշարում ընդգրկվել է Վաշիե-Լագրավը: