на Русском
Վերադարձի՛ր շարք․ ՊՆ սոցիալական հոլովակը
ՀՀ ԶՈՒ հավաքականը թիմային աղյուսակում հունահռ... 
«Էրեբունի» թանգարանի ցուցանմուշները հասանելի կլինեն տեսողության խնդիրներ ունեցողների համար (Տեսանյութ)
Էրեբունի թանգարանի ցուցանմուշներն այսուհետև հասանելի կլինեն նաև տեսողության խնդիրներ ունեցողների համար:
Թանգարանի սեպագրերի, ուրարտական, հետուրարտական շրջանի ծիսական անոթների ու զարդերի մի մասն արդեն ներկայացված է բրայլյան այբուբենով:
Սրանք պատմական արժեք ներկայացնող իրերի բնօրինակները չեն: Տեսողության խնդիրներ ունեցողների համար թանգարանում պահվող 25 ցուցանմուշի կրկնօրինակներն են, որոնք հնարավոր կլինի շոշափել ու նաև այդպես տեղեկություն ստանալ:
Այն ցուցանմուշները, որոնք դեռ կրկնօրինակներ չունեն, ներառված են բրայլյան այբուբենով կազմված կատալոգներում: Որտեղ ցուցանմուշները ներկայացված են ոչ միայն նկարագրությամբ, այլև պատկերներով:
Երկար սպասված այս ծրագիրը իրականություն է դարձել ԿԳՄՍ նախարարության դրամաշնորհով: Ծրագրի շրջանակում թանգարանային նշուշները հասանելի են դարձրել նաև լսողական խնդիրներ ունեցողների համար: Սուրդոթարգմանությամբ նաև 12 հոլովակ են պատրաստել, որոնք ներկայացված է թանգարանի ֆեյսբուքյան էջում ու յութուբյան ալիքում:
Ծրագիրն իրականացնելու համար թանգարանին օգնել է Սիփան Ասատրյանը. կազմել ու սրբագրել է Բրայլյան տեքստերը: Հույս ունի, որ հաշմանդամություն ունեցողներին հասարակությանը ինտեգրելու այս փորձը կտարածվի նաև մյուս թանգարաններում:
Երևանի անձնագիրը համարվող ուրարտական սեպագիրը, Հայաստանի թանգարաններում պահվող ասորերեն միակ արձանագրությունն ու այլ հնագիտական իրերի կրկնօրինակներ մինչև հասանելի կլինեն այցելուներին, էքսպոնատներից մի քանիսն արդեն ներկայացված է «Կինը և նոր Արմավիրը» հնագիտական գանձերի ցուցադրությանը:
