ԱՄՆ-ում տղամարդը երեխաների հետ ներխուժել է քաղցրավենիքի խանութ ու քաղցրեղեն գողացել` ձեռք չտալով դրամարկղի գումարին (տեսանյութ)

Միացյալ Նահանգների Նյու Յորք քաղաքի Քուինզ թաղամասում տղամարդն ու երեխաները քաղցրավենիքի խանութից գողություն են արել, հայտնում է NBC New York-ը։

Դեպքը տեղի է ունեցել Menchie’s Frozen Yogurt խանութում` կիրակի երեկոյան, երբ խանութը փակ է եղել։ Տղամարդը ջարդել է պատուհանը, իսկ երեխաներից մեկ լույս է պահել դրա վրա։ Տղամարդն ինչ-որ բան է վերցրել, ապա հեռացել են։

Առավոտյան, երբ խանութի տերը՝ Ռալֆ Խանը, մտել է խանութի ետնամաս, նկատել է, որ այնտեղ խառնաշփոթ է և տեսախցիկների ստուգումից հետո հասկացել է` ինչ է կատարվել։ Խանութից չի պակասել ո՛չ գումար, ո՛չ էլ սառը յոգուրտ։ Միակ բանը, որը խանութից պակասել է եղել են քաղցրավենիքի համար նախատեսված ուտելի զարդարանքները։

«Անսպասելի է, որ երբ տղամարդը երեխաներին տանում է լավ ժամանակ անցկացնելու, օրն ավարելու լավագույն տարբերակը սա է լինում։ Դուք փորձել եք ներխուժել ի՞նչ գողանալու համար՝ կոնֆետնե՞ր, թե՞ յոգուրտ։ Երեխաներին ետ բերեք մենք նրանց անվճար կհյուրասիրենք», - ասել է խանութի տերը և հավելել, որ երբեք նման տարօրինակ գողության չի հանդիպել։

Տղամարդու ինքնությունը դեռևս չի պարզվել։

Տեսանյութը՝ այստեղ: