Թուրքիայում ազատ են արձակել Մոնտրյոյի կոնվենցիան սատարող պաշտոնաթող ծովակալներին

Անկարայի դատարանն ազատ է արձակել տասը ծովակալի, ովքեր ավելի վաղ կալանավորվել էին ի պաշտպանություն Մոնտրյոյի կոնվենցիայի հավաքական նամակի համար՝ նրանց նկատմամբ որպես խափանման միջոց չհեռանալու մասին ստորագրությունն ընտրելով, հաղորդում է «ՌԻԱ Նովոստի»-ն՝ վկայակոչելով NTV–ն:

Ապրիլի 4-ին հրապարակվել էր 104 պաշտոնաթող թուրք ծովակալների նամակը: Նրանք Մոնտրյոյի կոնվենցիան Թուրքիայի դիվանագիտական ​​հաղթանակն էին անվանել, որը վերականգնում է ինքնիշխան իրավունքները Բոսֆորի եւ Դարդանելի նկատմամբ: Ծովակալներն անընդունելի էին համարում նաեւ Ստամբուլի ջրանցքի նախագծի հետ կապված պայմանագրի վերանայման քննարկումը, որը պետք է զուգահեռ ընթանա Բոսֆորին եւ միացնի Մարմարա եւ Սեւ ծովերը: Նամակի հեղինակները կոչ են անում պահպանել Թուրքիայի Սահմանադրությունը՝ երկրի նոր Ռեջեփ Թայիփ Էրդողանի՝ երկրի նոր Հիմնական օրենքի հնարավոր զարգացման մասին խոսքերի ֆոնին:

Ավելի վաղ Թուրքիայի դատախազությունը պահանջել էր ձերբակալել պաշտոնաթող ծովակալներից Էրգյուն Մենգիին եւ եւս ինի նկատմամբ տնային կալանք սահմանել: Գործը փոխանցվել էր դատարան՝ խափանման միջոց նշանակելու համար:

Հաջորդ օրը ոստիկանությունը բերման ենթարկեց նամակը ստորագրած տասը ծովակալներին:

Էրդողանը պաշտոնաթող ծովակալների նամակն անընդունելի է համարել՝ նշելով, որ բանակը չի կարող խառնվել քաղաքականությանը: Ընդ որում, նա հաստատել է իր հավատարմությունը Մոնտրյոյի կոնվենցիային՝ չբացառելով այս հարցի հետագա քննարկումը՝ «հանուն ավելի լավ պայմանների»: