«Ուղերձ Յուրի Գագարինին». Google-ը տեսանյութ է պատրաստել` նվիրված մարդու առաջին տիեզերական թռիչքի 60-ամյակին

Google ընկերությունը մարդու առաջին տիեզերական թռիչքի 60-ամյա հոբելյանին նվիրված տեսանյութ է պատրաստել` այն խորագրելով «Ուղերձ Յուրի Գագարինին»: Տեսանյութը ստեղծվել է «Ռոսկոսմոս» ընկերության և ՌԴ կրթության և գիտության նախարարության աջակցությամբ:

Ինչպես ներկայացնում է rbc.ru-ն, «Յուրի Գագարինին ուղղված ուղերձին» միացել են տիեզերագնացներ և ոլորտի այլ մասնագետներ` աշխարհի տարբեր երկրներից: Նրանց թվում են ռուս տիեզերագնացներ Միխայիլ Կորնիենկոն, Սերգեյ Կուդ Սվերչկովը և Անդրեյ Բորիսենկոն, ճապոնիուհի աստղագետ Նաոկո Յամաձակին, գիտնականներ Յուրի Կովալյովը, Սերգեյ Պոպովը և Կոնստանտին Բագիտինը, ինչպես նաև բլոգեր Յան Տոպլեսը, ռեժիսոր Ֆյոդոր Բոնդարչուկը, ֆանտաստ-գրող Փիթեր Ուոթսը:

Նրանք պատմում են իրադարձությունների մասին, որոնք տեղի են ունեցել 60 տարվա ընթացքում` Լուսին մարդու թռիչքի, Միջազգային տիեզերակայանի գիտարշավների, սև անցքերի լուսանկարների, Մարսում Perseverance մարսագնացի վայրէջքի մասին: Տեսանյութում ցուցադրվել են այդ իրադարձությունները պատկերող արխիվային կադրեր: