«Մենք պայքարը շարունակում ենք այս ձեւի մեջ». «Woke up» խորագիրը կրող քաղաքական ծաղրանկարների ցուցահանդեսն ու դրա գաղափարախոսությունը (Տեսանյութ և լուսանկարներ)

Հայաստանի նկարիչների միությունում բացվեց «Woke up»/ «Արթնացա» խորագիրը կրող քաղաքական ծաղրանկարների ցուցահանդեսը, որի կիզակետում վերջին շրջանի քաղաքական անցուդարձն է, ինչպես Հայաստանում, այնպես էլ՝ աշխարհում: Ցուցահանդեսին ներկայացված էին ոչ միայն հայտնի ծաղրանկարիչների, այլև՝ Ճարտարապետության և շինարարության Հայաստանի ազգային համալսարանի ուսանողների աշխատանքները:

Հայաստանի երգիծանկարիչների ասոցիացիայի հիմնադիր եւ նախագահ, հայտնի երգիծանկարիչ Սուքիաս Թորոսյանն, անդրադառնալով քաղաքական ծաղրանկարչությանն ու, մասնավորապես, իր աշխատանքներին, նշեց.

«Ես՝ ինքս, քաղաքական երգիծանկարիչ եմ, ես չեմ կարող այլ բան նկարել: Ես պետք է այսօրվա քաղաքականությունը նկարեմ: Ոչ միայն այսօրվա քաղաքական գործիչներին ենք անդրադարձել, այստեղ կա նաեւ միջազգային քաղաքականությունը, որը երբեմն անտեսում ենք: Պատերազմ պարտվելը միայն մեր մեղավորությունը չէր, ամբողջ աշխարհը, կարծես, աչք էր փակել, չէր ուզում տեսնել դա: Էլ չեմ ասում, որ մենք այդքան շատ ապացույցներ ունեինք դրսի ահաբեկչական խմբավորումների վերաբերյալ, բայց չգիտես ինչու՝ առաջինը հենց այդ ահաբեկիչներին տվեցինք Ադրբեջանին, ինչը մեզ համար մեծ միավոր էր, որը կարող էինք պահել մինչեւ վերջ»:

Երգիծանկարչի խոսքով՝ արվեստի այս մոտեցումը հաճախ բուժիչ հատկություն ունի.

«Մենք պայքարը շարունակում ենք այս ձեւի մեջ, ունենք մեր մոտեցումը կատարվողի նկատմամբ: Մեզ մոտ երգիծանկարիչները քաղաքական տարբեր հայացքներ ունեն. մեզ միավորում է հումորը, ճիշտը ներկայացելը: Հումորը, երբեմն, բուժիչ հատկություն ունի»:

Առավել մանրամասն՝ սկզբնաղբյուրում: