Պաշտոնական․ Էդուարդ Սպերցյանի թիմը նոր գլխավոր մարզիչ ունի

«Կրասնոդարի» գլխավոր մարզիչ է նշանակվել Վիկտոր Գոնչարենկոն: Բելառուս մասնագետը «ցուլերի» հետ պայմանագիր է կնքել մինչեւ 2023 թվականի հունիսի վերջ, հայտնում է կրասնոդարյան ակումբի պաշտոնական կայքը:

Անցյալ շաբաթ Մուրադ Մուսաևը լքեց «Կրասնոդարի» գլխավոր մարզչի պաշտոնը, ում գլխավորությամբ թիմը ջախջախիչ՝ 0: 5 հաշվով պարտություն կրեց սեփական հարկի «Ախմատից»:

Գոնչարենկոն ազատ գործակալի կարգավիճակում էր գտնվում՝ մարտի 22-ին ԲԿՄԱ-ից հեռանալուց հետո:

«Կրասնոդարն» այժմ 34 միավորով զբաղեցնում է մրցաշարային աղյուսակի 10-րդ հորիզոնականը։

Հայաստանի հավաքականի ֆուտբոլիստ Էդուարդ Սպերցյանը ՌՊԼ-ի այս մրցաշրջանում 5 հանդիպում է անցկացրել հիմնական թիմի կազմում, իսկ «Կրասնոդար-2»-ի կազմում ՖԱԼ-ում անցկացրել է 25 հանդիպում՝ դառնալով 14 գոլի հեղինակ։