Պոռնոաստղը բաց նամակ է գրել դեռ չծնված որդուն (լուսանկարներ)

Պոռնոաստղ Ավրորա Սնոուն բաց նամակ է գրել դեռևս չծնված որդուն՝ բացատրելով, թե ինչպես է հայտնվել մեծահասակների համար նախատեսված ֆիլմերում և թե ինչպես է որոշել մայրանալ:

«Ես պառկած էի բժշկի սենյակում՝ բազկաթոռին: Երբ ինձ ասացին, որ որդի եմ ունենալու, աչքերիս առաջ կարծես մեկ անգամ էլ անցավ կյանքս: Ես գիտակցեցի, թե ինչ պատասխանատվություն եմ կրում յուրաքանչյուր քայլիս համար, և հասկացա որ մի օր պետք է շատ բան բացատրեմ որդուս: Ուստի որոշեցի գրել այս նամակը:

Որդիս…

Գրում եմ այս նամակը քո ծնունդից մի քանի ամիս առաջ: Եթե ամեն ինչ ծրագրվածի պես ընթանա, դու լույս աշխարհ կգաս դեկտեմբերի կեսերին: Այն ժամանակ, երբ դու կարդաս այս նամակը, արդեն բավական հասուն կլինես համացանցից օգտվելու, աղջիկներին սիրահարվելու և պարզելու համար, թե ով է Ավրորա Սնոուն:

Ես պատկերացնում եմ, թե ինչպես եմ վախենալու այդ պահից: Ես պարզապես հույս ունեմ, որ դու այս նամակը կկարդաս ավելի շուտ, քան պատահմամբ կհանդիպես իմ լուսանկարներին այնպիսի տեսքով, ինչպես որդիները չպետք է տեսնեն իրենց մայրերին:
Բայց… թույլ տուր ինձ բացատրել, թե ինչպես է ամեն ինչ եղել:

Քո մայրը ծնվել է շատ աղքատ ընտանիքում: Չնայած բարձր առաջադիմությանը` ես չէի կարող վճարել քոլեջի վարձը: Օրերից մի օր ես տեսա հայտարարություն. «Պահանջվում են աղջիկներ, ովքեր պատրաստ են մերկ լուսանկարվել: Վարձատրությունը՝ օրը 2000 դոլար»:

Ես առանձնապես ամաչկոտ չէի և գումարի կարիք ունեի: Ես կարծում էի, որ կարող եմ գաղտնի պահել աշխատանքս մորիցս, հորիցս ու եղբայրներիցս: Ի՞նչ ունեի ես կորցնելու: Ես որոշեցի այս աշխատանքին նվիրել մեկ տարի, ազատվել պարտքերիցս և մոռանալ դրա մասին: Բայց ամեն ինչ այլ կերպ ստացվեց:

Ինձ առաջարկեցին սիրով զբաղվել տեսախցիկների առաջ և դրա դիմաց գումար վաստակել: Ես համաձայնեցի:

Շուտով իմ լուսանկարները հայտնվեցին ամսագրերում, ինձ սկսեցին հրավիրել հեռուստաշոուներին մասնակցելու:

Շուտով ծնողներս իմացան, թե ինչով եմ զբաղվում, բայց շարունակեցին սիրել ինձ՝ անկախ ամեն ինչից:

Ես հույս ունեմ սովորեցնել քեզ, թե որքան կարևոր է ազնիվ լինել, ուստի ես ևս ազնիվ եմ քեզ հետ. ես իմ կարիերայի ընթացքում արել եմ հնարավոր ամեն բան, երբեմն անգամ սարսափելի բաներ: Ես մեծերի համար նախատեսված ֆիլմերն ընդունում էի որպես աշխատանք, որը պետք է անեմ որքան հնարավոր է լավ: Ես միայն հույս ունեմ, որ դու երբեք դա չես տեսնի:

2009 թ. փետրվարին տեղի ունեցավ մի բան, ինչը փոխեց կյանքս: Քո քեռին վթարի ենթարկվեց, և մինչ ապաքինումը տևած 2 տարիների ընթացքում ես էի խնամում իր երեխաներին: Դա ինձ շատ փոխեց. ես հասկացա, թե որքան լավ բան է ընտանիք ունենալը: Ես երբեք չեմ հավատացել սիրուն և սարսափում էի այն մտքից, որ կարող եմ կապվել ինչ-որ մեկին:

Ես ծանոթացա մի հրաշալի անձնավորության հետ, ով նույնպես ցանկանում էր ընտանիք կազմել: Այդ տղամարդը՝ հայրդ, ինձ խորհուրդ տվեց նետել ամեն ինչ մի կողմ և նոր կյանք սկսել: Եվ կյանքումս առաջին անգամ ես համարձակություն ունեցա դուրս գալու այդ բիզնեսից:

Որդիս, ես հույս ունեմ, որ այս նամակը կօգնի քեզ հասկանալ ինձ և հեռու կպահի քեզ XXX նշանով այն տեսանյութերից, որոնցում ես եմ: Ամեն նչ կախված է մեր ընտրությունից: Եթե ես իմանայի, որ մի օր կցանկանամ ընտանիք կազմել, երբեք չէի ընտրի այն ուղին, որն անցել եմ:

Ես չգիտեմ՝ կլինե՞ի ես ավելի լավը այդ ժամանակ: 18 տարեկանում մեզ թվում է, թե գիտենք մեր մասին ամեն ինչ, բայց 10 տարի անց ենք հասկանում, որ սխալվել ենք:

Սիրով՝ մայրիկ»: