Քայլի Ջեները 72,8 մլն դոլար արժողությամբ անձնական ինքնաթիռի սրահից լուսանկարներ է հրապարակել

Keeping Up With the Kardashians իրապատում շոուի աստղ Քայլի Ջեները նոր լուսանկարներ է հրապարակել 72,8 միլիոն դոլար արժողությամբ իր անձնական ինքնաթիռից, հայտնում է բրիտանական Daily Mail պարբերականը և հավելում, որ ավելի ուշ աստղին նկատել են օդանավակայանում՝ անձնական թիկնապահի ուղեկցությամբ։

Նոր հրապարակումներում Kylie Cosmetics ապրանքանիշի հիմնադիր և սեփականատեր 23-ամյա աստղը կրում է նարնջագույն սպորտային փափուկ տաբատ և տոպ՝ իր տեսքն ամբողջացնելով մարմնագույն սպորտային կոշիկներով։ Դիմահարդարման համար Քայլին ընտրել է թեթև առօրյա տեսքը՝ շուրթերի բաց վարդագույն փայլք և թարթչաներկ։

Որոշ լուսանկարներում հեռուստաաստղը գինի է վայելում։

Ավելի ուշ Քայլի Ջեներին նկատել են օդանավակայանում՝ սև մեքենա նստելիս և օդանավակայանից դուրս գալիս։ Պարբերականը նշել է, որ Քայլիին անձնական թիկնապահ է ուղեկցել։