Նախկին իշխանությունների ռևանշիստները ցանկանում են հաշվի չառնել ժողովրդի ձայնը և պարտադրել, որ երկրում հեղափոխու­թյուն լինի․ «Իմ քայլի» պատգամավոր. «Ժողովուրդ»

«ԱԺ «Իմ քայլը» խմբակցության պատգամավոր Կարեն Սարուխանյանը Armlur.am-ի հետ զրույցում խո­սել է արտահերթ խորհրդարանական ընտրությունների, դրանք իշխանու­թյունների կողմից կեղծելու, ինչպես նաև իրենց կուսակցության վարկա­նիշի մասին: Մեր զրուցակիցը հայ­տարարեց, որ այս պահին Հայաստա­նում քաղաքական դեմքերից ամենա­բարձր վարկանիշն ունի ՀՀ վարչա­պետ Նիկոլ Փաշինյանը:

-Արդեն հստակ է, որ հունիսի 20-ին սպասվում են արտահերթ խորհրդարա­նական ընտրություններ: Շիրակի մար­զում ի՞նչ տրամադրվածություն է: Արդ­յոք ժողովուրդը սպասո՞ւմ է, մասնակ­ցելո՞ւ է ընտրություններին, թե՞ առաջ­նային այլ հարցեր կան մարզում:

-Տրամադրվածությունները տարբեր են, դրանք պայմանավորված են հիմնա­կանում, թե ինչ կարգով կմասնակցենք ընտրություններին: Բնական է, որ ռեյտինգային ընտրակարգի դեպքում թեկ­նածուներն արդեն կոնկրետ տարածք­ներով կլինեն, և անհատական ֆակտո­րը մեծ դերակատարություն կունենա: Հետևաբար, իմ կարծիքով՝ ռեյտինգայինի դեպքում մասնակցությունն ավելի շատ կլինի, ցուցանիշն ավելի բարձր կլինի, իսկ համամասնական ցուցակի դեպքում՝ ավելի ցածր: Ժողովուրդը չգիտի, թե ովքեր կլինեն թեկնածունե­րը, թե լինի ռեյտինգային կարգով, հա­մամասնական ընտրակարգով ինչ ու­ժեր կլինեն: Իմ կարծիքով՝ հիմա մի փոքր վաղ է այս մասին խոսել:

-Նախընտրում եք ռեյտինգային ընտրակարգը մնա, ընտրակարգը օրենսգրքից չհանվի՞, որպեսզի ընտրություն­ներն ավելի ճիշտ կազմակերպվեն:

-Իմ կարծիքով՝ ոչ թե ճիշտ ու սխալի հարցն է, այլ ռեյտինգայինի դեպքում մասնակցությունն ավելի շատ կլինի, քանի որ կա նաև ամեն թեկնածուի անձնական ֆակտորը: Բայց տեսնենք, կարող է այդ ամենը պայմանավորված լինել նախընտրական քարոզարշավով:

-Խմբակցությունում տարաձայնու­թյուն ունեք այդ հարցի շուրջ, քանի որ մի հատվածը կարծում է, որ պետք է ռեյտինգային ընտրակարգը հանել Ընտրական օրենսգրքից: Դուք կար­ծում եք, որ ռեյտինգային ընտրակարգի մնա՞լն է ճիշտ:

-Երկու կարգն էլ իր դրական ու բա­ցասական կողմերն ունեն: Ես կողմ եմ ռեյտինգային ընտրակարգին զուտ այս սուբյեկտիվ պատճառով, որ ես ընտր­ված եմ ռեյտինգային ընտրակարգով:

-Իսկ խմբակցությունը բաժանված է երկու թևի, ի՞նչ կասեք:

-Մեր քաղաքական մեսիջների մեջ եղել է, որ ռեյտինգային ընտրակարգը պետք է փոխվի, և հետևաբար այսօր շրջանառության մեջ է նոր Ընտրական օրենսգիրքը: Եվ փետրվար ամսին մենք ուղարկել ենք Վենետիկի հանձնաժո­ղով: ԱԺ-ում կլինեն քննարկումներ, կխոսենք նաև ընդդիմության հետ, ընդհանուր կոնսենսուսի կգանք և որոշում կկայացնենք:

-Ընդդիմությունը, հատկապես՝ Բաղրամյան փողոցում հավաքվածները, ասում են, որ իշխանությունը օգտա­գործելու է պետական ռեսուրսը: Դուք ի՞նչ կարծիք ունեք, այսօրվա իշխանու­թյունը պատրա՞ստ է առանց կեղծարարությունների անցկացնել խորհրդարա­նական ընտրություններ:

-Պետք է նախ տեսնենք, թե ովքեր են այդ ամենն ասողները: Ընդդիմություն, որպես այդպիսին, Բաղրամյան փողոց փակողների մի խմբակի մասին է խոսքը, որոնք հիմնականում նախկին իշխանությունների ռևանշիստներն են, որոնք ցանկանում են հաշվի չառնել ժողովրդի ձայնը: Նրանք փորձում են պարտադրել, որ երկրում հեղափոխու­թյուն անեն: Իսկ իշխանությունների՝ ընտրությունների անցկացման մասով ես հստակ կարող եմ ասել, որ, ի տար­բերության նրանց, որոնք ժամանակին եղել են իշխանության, բազմաթիվ ան­գամ մենք հիշում ենք, որ ընտրություն­ները կեղծվել են: Մենք ունենք 2.5 տարվա ընթացքում այնպիսի ընտրություններ, որոնք օրինակելի են՝ սկսած 2018 թ. ԱԺ ընտրություններից և ավար­տած բազմաթիվ ՏԻՄ ընտրություններով, որտեղ խախտումներ չեն արձանագրվել»,-գրում է թերթը:

Նյութն ամբողջությամբ կարդացեք թերթի այսօրվա համարում: