«Իմ սիրունիկ աղջիկ»․ Քիմ Քարդաշյանը հրապարակել է ավագ դստեր նոր լուսանկարը

Keeping Up With the Kardashians իրապատում շոուի հայազգի աստղ Քիմ Քարդաշյանն իր ինստագրամյան էջում ավագ դստեր նոր լուսանկարն է հրապարակել, գրում է բրիտանական Daily Mail պարբերականը։

Հեռուստաաստղը հրապարակել է դստեր՝ Նորթի լուսանկարը և կից գրել․ «Իմ սիրունիկ աղջիկ»։ Լուսանկարում Նորթը կրում է բաց կապույտ տնային հագուստ և մազերն ուղիղ են հարդարված՝ երկու կողմերից փոքր պոչիկներով։

Աղբյուրը նկատում է, որ Vogue ամսագրի հետ հարցազրույցի ընթացքում Քիմը 2020 թվականն անվանել էր «մարտահրավերներով լի տարի», որի ընթացքում, ինչպես նկատում է պարբերականը, աստղը կենտրոնացել է աշխատանքի և 4 երեխաների վրա։

«Ես միշտ փորձում եմ իրերին դրական կողմից նայել», – ասել է SKIMS-ի հիմնադիրն ու սեփականատերը։

Ինչպես ավելի վաղ տեղեկացրել էր Tert.am-ը, ներկայում Քիմ Քարդաշյանը փորձում է ամուսնալուծության այնպիսի լուծում գտնել, որը լավագույնը կլինի ընտանիքի անդամների համար: Ամուսնալուծության հարցով Քիմ Քարդաշյանի փաստաբանական խումբը գլխավորում է հայտնի փաստաբան Լորա Ուասսերը: