Մխիթարյանն այսօր բուժզննում կանցնի․ Ֆոնսեկան անդրադարձել է ֆուտբոլիստի վնասվածքին

«Ռոման» Եվրոպա լիգայի խաղարկության 1/8-րդ եզրափակիչի առաջին խաղում խոշոր հաշվով հաղթեց «Շախտյորին»։

Հայաստանի հավաքականի ավագ Հենրիխ Մխիթարյանը 35-րդ րոպեին փոխարինվել է վնասվածքի պատճառով․35-րդ րոպեին Բորխա Մայորալը փոխարինեց Հենրիխ Մխիթարյանին: «Ռոմայի» 77-րդ համարը փոխարինելուց հետո սառույցի տոպրակ էր դրել վնասված ոտքին:

«Մխիթարյանի վնասվա՞ծքը: Միայն վաղը կունենանք ամբողջական պատկեր, բայց կարծում եմ, որ, ցավոք, Հենրիխը պատրաստ չի լինի հաջորդ խաղին»,- ասել էթիմի գլխավոր մարզիչ Ֆոնսեկան խաղից հետո:

Ըստ Sky Sport Italia-ի, կիսապաշտպանը մկանների հետ կապված խնդիր ուներ: Այսօր նա բուժզննում կանցնի: Դրա արդյունքները ցույց կտան, թե որքան լուրջ է վնասվածքը:

Այս մասին դեռ պաշտոնական տեղեկատվություն չկա: