«Ցանկանում ենք «Օսկար» ստանալ». Հաբիբը պատմել է ինքնակենսագրական ֆիլմի աշխատանքների մասին (տեսանյութ)

UFC թեթևքաշային չեմպիոն Հաբիբ Նուրմագոմեդովը պատմել է իր մասին նկարահանվող ինքնակենսագրական ֆիլմի աշխատանքների մասին։ Այդ մասին նա ասել է Лысый Хищник յութուբյան ալիքին տված հարցազրույցի ժամանակ։

«Ես հիմա աշխատում եմ իմ վավերագրական ֆիլմի վրա։ Դեռ մեկուկես տարի պետք է։ Մենք ցանկանում ենք «Օսկար» ստանալ։ Աշխատում ենք Հոլիվուդի հետ։ Ամենայն հավանականությամբ, այն կներկայացվի անմիջապես կինոթատրոններում»,- ասել է Հաբիբը՝ հավելով, որ ֆիլմը պատմություն է «սարերից եկած տղայի մասին, որը դարձել է լավագույն մարտիկը և անկախ քաշային կարգից՝ չի պարտվել»։

Նշենք, որ 2020 թվականի հոկտեմբերին 32-ամյա մարզիկը հայտարարել էր, որ ավարտում է կարիերան: Հաբիբն իր կարիերայի 29 խաղում 29 հաղթանակ է գրանցել։