Կոնտե․ Այսօրվա հանդիպումը ցույց տվեց, որ մենք հասել ենք լուրջ առաջընթացի

«Ինտերի» իտալացի գլխավոր մարզիչ Անտոնիո Կոնտեն մեկնաբանել է 3։0 հաշվով հաղթանակը «Միլանի» նկատմամբ Իտալիայի առաջնության 23-րդ տուրի խաղում։

«Հրաշալի հանդիպում էր։ Չմոռանանք, որ ամենաբարձր մակարդակի դերբի էր։ Մեր խաղացողներն իսկապես լավ աշխատեցին։ Մենք շարունակում ենք զարգանալ այն ուղիով, որն ընտրել ենք 1,5 տարի առաջ։

Հոգեբանության տեսանկյունից ինձ ավելի շատ անհանգստացնում են «Ջենոայի» եւ «Պարմայի» հետ առաջիկա հանդիպումները։ Շատ բարդ կլինի։ Մենք պետք է ապացուցենք, որ իսկապես կատարել ենք որակական ցատկ եւ կարող ենք ամրապնդվել առաջին տեղում մինչեւ առաջնության ավարտը։

Մենք արդեն հաղթել ենք չեմպիոնական մրցավազքում անմիջական մրցակիցներին։ Այսօրվա հանդիպումը ցույց տվեց, որ մենք հասել ենք լուրջ առաջընթացի»,- Կոնտեի խոսքը մեջբերում է Gazetta.it-ը։

«Ինտերը» 53 միավորով գլխավորում է մրցաշարային աղյուսակը եւ արդեն 4 միավոր է առաջ երկրորդ տեղում ընթացող «Միլանից»։