«Ես մշտապես շնչահեղձ եմ լինում». Բուզովայից բաժանված Դավիթ Մանուկյանը նշել է, թե որն է իր գլխավոր վախը

Դավիթ Մանուկյանը Մոսկվա տեղափոխվել է մի քանի տարի առաջ եւ սկսել է աշխատել որպես բլոգեր։ Նա, սակայն, իսկական հաջողության հասել է, երբ հայտնի է դարձել երգչուհի, հաղորդավարուհի, սկանդալային «Դոմ 2» հեռուստանախագծի աստղ Օլգա Բուզովայի հետ սիրավեպի մասին։

Բլոգերը նկարահանվել է Օլյայի «Мандаринки» երգի տեսահոլովակում, որում նրանք զույգի էին մարմնավորում։ Ստացվել է այնպես, որ աշխատանքային հարաբերությունները վերածվել են ռոմանտիկ կապի։ Զույգի մասին տարբեր լուրեր են պտտվել, սակայն Դավիթն ու Օլգան դրանց չէին արձագանքում։ Սիրահարները անվրոդով կյանք էին ցուցադրում եւ հաջողությամբ հաղթահարել են ինքնամեկուսացման ռեժիմը։ Մանուկյանն ու Բուզովան միասին հանրությանն ուրախացրել են տարբեր մրցույթներով, կատակներով ու այլ միջոցներով։

Նույնքան զարմանալի հնչեց նրանց բաժանության մասին լուրը։ Օլգան Դավիթից բաժանվել է իր ծննդյան օրը՝ հունվարի 20-ին։ Ընդ որում, սկզբնական շրջանում նա գերադասում էր չխոսել այն մասին, թե ինչն է բաժանման պատճառ դարձել։ Սակայն ավելի ուշ հայտնել է, թե Մանուկյանը դավաճանել է իրեն, ինչպես նաեւ նվաստացրել ու նույնիսկ ծեծի ենթարկել։

Հետաքրքրական է, որ Դավիթը ոչ մի կերպ չէր մեկնաբանում նախկին սիրելիի մեղադրանքները։ Սակայն նա ակնարկել է ինչ-որ դավաճանության մասին։ Մանուկյանը նոր տված հարցազրույցում պատմել է, թե ինչը երբեք չէր հանդուրժի սիրելի կնոջ կողմից. «Դավաճանության, ստի, հարգանքի բացակայության հետ, երբ նա իրենից ամենից վեր է դասում, թելադրում, թե ինչպես պետք է լինի, աջակցության փոխարեն խորտակում։ Լավ չէ նաեւ, եթե շատ հիմար լինի»։

Միայն թե շատերը վստահ են, որ Մանուկյանի եւ Բուզովայի սիրավեպն ի սկզբանե PR քայլ է եղել։ Օլգայի շնորհիվ Դավիթը վառ կերպար դարձավ շոու-բիզնեսում. նա երգ է ձայնագրել Ֆիլիպ Կիրկորովի հետ, սկսել ռուսական փոփի արքայի հետ պարբերաբար ներկայանալ հանրությանը։ Վերջինս Դավային աջակցել է նաեւ «Պարեր աստղերի հետ» նախագծում։

«Իրականում ինքս էլ չհասցրի հասկանալ, թե ինչպես հայտնվեցի շոու-բիզնեսում. երեքուկես տարի առաջ եկա Մոսկվա, զրոյից սկսեցի բովանդակություն նկարահանել, ցանկանում էի բլոգեր դառնալ, եւ այդ ամենը վերածվեց ինչ-որ մեծ բանի։ Ցավոք, լինում են կոնֆլիկտներ, քանի որ շոու-բիզնեսն այնքան էլ քաղցր չէր, որքան ցանկանում ես։ Կան մարդիկ, որոնք պատրաստ են ամբողջովին հոշոտել քեզ։ Ես ձգտում եմ չհրապարակայնացնել վեճերը, եւ եթե նույնիսկ ինչ-որ մեկի հետ չհասկացված բաներ կան (ամեն ինչ կարող է տեղի ունենալ) հարկավոր է առաջին հերթին մարդ մնալ»,- վստահ է Մանուկյանը։

Ամեն դեպքում, բլոգերը միանշանակ չի վերաբերում իր հայտնիությանը։ Նա մի կողմից երազել է այդ մասին, հասել դրան, սակայն լինում են նաեւ դժվարություններ։ Peopletalk-ի հետ զրույցում Մանուկյանը խոստովանել է, թե ինչից է ամենաշատը վախենում. «Իմ գլխավոր վախը կլաուստրաֆոբիան է, ես վախենում եմ փակ տարածքից, ես վախենում եմ, երբ կողքիս քթի համար կաթլիներ չկան, քանի որ քիթս 15 տարի է՝ քրոնիկ փակ է, եւ ես մշտապես շնչահեղձ եմ լինում։ Եվ մեծ վախ է ծնողներին կորցնելը»։