Զիդան. Մբապեն ու Հոլանդը կփոխարինեն Մեսիին ու Ռոնալդուին

Մադրիդի «Ռեալի» ֆրանսիացի գլխավոր մարզիչ Զինեդին Զիդանը խոսել է Դորտմունդի «Բորուսիայի» նորվեգացի հարձակվող Էրլինգ Հոլանդի եւ Փարիզի ՊՍԺ–ի ֆրանսիացի հարձակվող Կիլիան Մբապեի մասին։ Նրանք արդյունավետ խաղով աչքի էին ընկել Չեմպիոնների լիգայի 1/8 եզրափակիչի առաջին հանդիպումներում։

«Մբապեն ու Հոլանդը կփոխարինեն Մեսիին ու Ռոնալդուին։ Նրանք ներկան ու ապագան են։ Ես սիրում եմ հետեւել լավ ֆուտբոլիստների խաղին, բայց նախընտրության մասին չեմ խոսի։ Չեմ խոսի նաեւ Մբապեի եւ «Ռեալի» մասին։ Նրա հեթ–տրիկը «Բարսելոնայի» դեմ խաղում ոչ մեկին պետք է չզարմացնի»,– Զիդանի խոսքը մեջբերում է Marca–ն։

Ընթացիկ մրցաշրջանում 22–ամյա Մբապեն ակումբային մրցաշարերի 29 խաղում խփել է 21 գոլ։