Կառավարության գործու­նեության համար նախարարները պա­տասխանատվություն կրում են իրենց պաշտոնավարման ընթացքի համար․ Մեսրոպ Առաքելյանը՝ իր թիմի սխալների պատասխանատվությունը ստանձնելու մասին. «Հրապարակ»

«Հրապարակ» թերթը գրում է.

«Աշխատանքի և սոցիալա­կան հարցերի նախարար Մեսրոպ Առաքելյանը պա­տերազմում մեր պարտության թիվ մեկ պատասխանատու Նիկոլ Փաշինյանի կառավարության անդամնե­րից տարբերվում է ոչ միայն իր բարձր հասակով, այլև արտահայտած մտքերով: Օրինակ՝ նա կարծում է, որ պարգևավճար պետք չէ ստանալ:

- Պարո՛ն Առաքելյան, այս կառա­վարությունում երևի միակ մարդն եք, որ կարծում եք՝ պարգևավճար պետք չէ ստանալ, դիսկոմֆորտ չէ՞ Ձեզ համար այդ առումով:

- Կարծիքների բախում է, տարբեր մոտեցումներ են, այս մասով և բազմաթիվ հարցերով հնարավոր է՝ ես ունենամ այլ կարծիք, որևիցե դիսկոմֆորտ չկա, կարծում եմ՝ այն մոտեցումները, որ կան, իմ կողմից հրա­պարակային են, և այն աշխատանքը, որ նախարարությունում իրակա­նացնում ենք, նաև այդ սկզբունքների հիման վրա է, որովհետև ես կարծում եմ՝ նախարարության աշխատա­կիցները նույնպես գիտակցում են, որ այս պահին այն խնդիրները, որ երկրի առջև դրված են, պետք է հավելյալ ուժով և հավելյալ էներգիայով աշխա­տենք:

-Իսկ դիսկոմֆորտ չկա՞, որ ձեր կառավարության թույլ տված սխալների պատճառով քննա­դատում են ամբողջ թիմին, որի մեջ նաև Դուք եք մտնում: Կամ դիսկոմֆորտ չկա՞ նաև նրա համար, որ շարունակում են Նիկոլ Փաշինյանին մեղադրել դավաճանության, Արցախը հանձնելու, հակահայկա­կան քաղաքականության մեջ, և Դուք հիմա, փաստորեն, այդ թիմի մաս եք կազմում:

-Այն պատասխանատվությունը, որ ես ստանձնել եմ սոցիալական ոլորտում, առնվազն անում եմ առավելագույնը հետպատերազմական իրավիճակում խնդիրները կարգավո­րելու համար: Գնահատական ես չեմ պատրաստվում տալ, քանի որ այն, ինչ անում ենք, նվազագույնն է պատերազմի հետևանքով տուժած քաղաքացիների համար: Այսինքն՝ որևիցե շնորհակալության կամ երախտապարտության ակնկալիք չունենք, դա իմ պարտականությունն է, որ ես, որպես ոլորտի նախարար, անում եմ:

-Կամիկաձեի կարգավիճա­կով եք, փաստորեն, եկել նախա­րար դարձել, և եթե վաղը այս իշխանությունները հեռանան, ինչ-որ գործընթացներ սկսվեն, և պարզվի՝ դավաճանություն է եղել այս կառավարության կողմից, Դուք պատրա՞ստ եք պատասխա­նատվություն կրել դրա համար:

-Այն չափով, ինչ չափով, որ կվստահվի, որ ես շարունակեմ իմ աշխատանքը, յուրաքանչյուր օր նույն եռանդով շարունակում է աշխատել նաև մեր թիմը, և առաջին օրվա­նից, երբ զբաղեցրել եմ այս պաշտո­նը, ունեցել եմ այն համոզմունքը, որ իմ աշխատանքը՝ որպես նախարար, անհրաժեշտ է, քանի որ հետպատե­րազմական իրավիճակում յուրա­քանչյուր կորցրած օր բերելու է նաև սոցիալական և այլ խնդիրների: Հե­տևաբար, այնքան, ինչքան կաշխա­տեմ, ինչքան կվստահվի ինձ այս պաշտոնը, նույնիսկ մինչև այս պահը իմ կատարած աշխատանքի մասով իմ խիղճը հանգիստ է:

-Գուցե Դուք իսկապես հայրե­նասիրական մղումներից ելնելով եք եկել այս կառավարություն, բայց Դուք եկաք և մաս կազմեցիք մի թի­մի, որին այսօր մեղադրում են դա­վաճանության, Արցախը հանձնելու և ոչ հայրենասիրական քայլերի մեջ: Ուստի, երբ Դուք նշանակվում էիք այս պաշտոնին, գիտակցո՞ւմ էիք, որ այդ խարանը նաև Ձեզ է դիպչելու:

-Ես գիտակցում եմ, որ պատե­րազմի արդյունքում մենք ունեցել ենք ողբերգություն, որը որևիցե ձևով հնարավոր չէ հերքել, որ տե­ղի ունեցած իրադարձությունները ողբերգություն են:

-Իսկ ո՞վ է այդ ողբերգության թիվ մեկ մեղավորն ու պատասխա­նատուն:

-Պատասխանատուն, կոնկրետ ես ասում եմ, որ մենք պատերազմը պարտվել ենք, դա ակնհայտ է:

-Բայց Փաշինյանն ասում էր՝ ինչ էլ որ լինի, մենք մեզ պարտված չենք զգալու: Դուք Ձեզ պարտված զգո՞ւմ եք:

-Պատերազմը, այո, մենք պարտվել ենք, սակայն այն քայլերը, որ առնվազն ես փորձում եմ իրա­կանացնել, միտված են ապագային, մասնավորապես՝ Արցախի ապագա­յին, և կարծում եմ, որ այն աշխա­տանքները, որ կատարում ենք, այս տեմպը պահպանելու դեպքում մենք կունենանք հնարավորություն՝ Արցա­խը դարձնելու ավելի լավը, քան կար:

-Դուք քաղաքական պաշտոն եք զբաղեցնում, իսկ քաղաքական պատասխանատվություն կիսո՞ւմ եք այս կառավարության բոլոր քայլերի համար:

-Կառավարության գործու­նեության համար, բնական է, կառա­վարության անդամները կիսում են, և այն հարցերի շուրջ, որ ունեմ տարբեր տեսակետներ, ներկայացնում եմ կա­ռավարության նիստերին իմ մտահո­գությունները:

-Այսինքն՝ եթե վաղը պարզվի, որ այս կառավարության կողմից դավաճանություն է տեղի ունեցել, և նրանք միտումնավոր հանձնել են Արցախը, և այսքան զոհ այս կառա­վարության պատճառով ենք տվել, Դուք դրա պատասխանատվությունը պատրա՞ստ եք կրել:

-Տեսեք, կառավարության պա­տասխանատվությունը ես կիսում եմ կառավարության գործունեության շրջանակում: Եթե կառավա­րությունում այս գործունեության շրջանակում այն քայլերը, որոնք իրականացվում են, և հետագայում կպարզվի, որ գրանցում կան խնդիրներ, այդ գործունեության մասով կրում եմ: Բայց նախկինում, պատերազմի ընթացքում տեղի ունեցած իրա­դարձությունների մասով, կարծում եմ, իրավապահ մարմինները կտան հա­մապատասխան գնահատականներ:

-Մինչև պատերազմը չե՞ք կրում, այսինքն:

-Կառավարության գործու­նեության համար նախարարները պա­տասխանատվություն կրում են այն ընթացքում, որ ընթացքում պաշտոնավարել են:

-Ի դեպ, դժգոհություն կա, որ Ձեր նախարարությունում բարձի­թողի վիճակ է, աշխատակիցները նորմալ չեն գալիս աշխատանքի, խստություն չկա, և շատերը հիշում են Արտեմ Ասատրյանի ղե­կավարման տարիները, թե ինչ կարգուկանոն էր տիրում նրա օրոք:

- Չեմ բացառում, որ հնարավոր է որոշակի խնդիրներ լինեն, որովհետև, անկեղծ ասած, նախարար դառնա­լուց հետո մինչև օրս իմ աշխա­տանքային առաջարկություններն ուղղված են նաև Արցախի սոցիալա­կան խնդիրների կարգավորմանը, և այդ տեսանկյունից նախարարության բնականոն աշխատանքները մի փոքր այլ են, մասնավորապես՝ հիմնակա­նում կենտրոնացած են այս ծրագրե­րի վրա: Բայց եթե ինչ-որ առանձին աշխատանքային խնդիրներ կան, բնական է, մեծ թիմ է, փորձում ենք կարգավորել»,-գրում է թերթը:

Նյութն ամբողջությամբ կարդացեք թերթի այսօրվա համարում: