Ումի՞ց պետք է վախենանք․ այս իշխանությունը ժո­ղովրդի կողմից ընտրված, հեղափոխու­թյան արդյունքում ձեռք բերված իշխա­նություն է․ Կարեն Սարուխանյանը՝ արտահերթ ընտրություններ չանցկացնելու մասին. «Ժողովուրդ»

«ArmLur.am-ը մի քանի հարց է ուղղել ԱԺ «Իմ քայլը» խմբակցության պատգամավոր Կարեն Սարուխանյանին: Մենք հետաքրքրվել ենք այն հայտարա­րության մասին, թե հանրության շր­ջանում չկա՞ արտահերթ ընտրություն­ների գնալու պահանջ:

-ԱԺ «Իմ քայլը» խմբակցության կող­մից որոշում կայացվեց, որ այլևս անհրաժեշտություն չկա արտահերթ խորհր­դարանական ընտրություններ անցկացնելու, քանի որ հանրության շրջանում պահանջ չկա: Դուք ինչպե՞ս եք կարողացել հասկանալ, որ հանրությունը չի ցանկանում իրականացնել արտահերթ խորհրդարանական ընտրություններ: Դուք շրջե՞լ եք, խոսե՞լ եք բնակիչների հետ, նրանք ի՞նչ կարծիք ունենք:

-Այո, և՛ շրջել ենք, և՛ խոսել ենք, նա­և սոցկայքերի միջոցով ենք շփվել մարդկանց հետ: Նրանք ասում են՝ մենք ձեզ արդեն ընտրել ենք և տվել ենք այն մանդատը, որ դուք գործեք: Բացի դրա­նից, նաև ժողովուրդը որոշակի ռիսկ է տեսնում, նրանք ասում են, որ ընտրել են լեգիտիմ իշխանության, պետք չէ գնալ արտահերթ ընտրությունների: Բայց այնպես չէ, որ մենք լիարժեք ասել ենք, որ արտահերթ ընտրություններ չեն լի­նելու: Մենք ուղղակի ընդդիմադիր խորհրդարանական երկու խմբակցու­թյուններին առաջարկել ենք՝ եկեք գնանք արտահերթ ընտրությունների, եթե դուք համաձայնություն եք տալիս գնալ արտահերթ ընտրությունների, հասկացանք նաև՝ ինչ խանգարող մե­խանիզմներ կան, հասկանանք և գնանք արտահերթ ընտրությունների, այս որոշակի լարված մթնոլորտը կար­գավորենք: Բայց քանի որ երկու խմբակ­ցությունների կողմից մերժվել է այդ մեր առաջարկությունը, հետևաբար նաև հաշվի առնելով, որ հանրային պահանջ չկա՝ մենք որոշում ենք կայացրել այս պահին գնալ այն ճանապարհային քար­տեզով, որը մենք առաջարկել էինք, և դրանից հետո նոր կփորձենք հասկանալ ստեղծված իրավիճակը:

-Արտախորհրդարանական ուժերը դիրքորոշում են հայտնում, որ այն ուժե­րը, որոնք փողոցում պահանջում են Նիկոլ Փաշինյանի հրաժարականը, վախ են ներշնչում իշխանություններին: Նա­և Ռոբերտ Քոչարյանն է հայտարարել, որ վերադառնում է մեծ քաղաքականու­թյուն: Վախենո՞ւմ եք:

-Ումի՞ց պետք է վախենանք՝ հանցա­գործների՞ց, մարդասպանների՞ց, թա­լանչիների՞ց: Այս իշխանությունը ժո­ղովրդի կողմից ընտրված, հեղափոխու­թյան արդյունքում ձեռք բերված իշխա­նություն է: Այս իշխանությունը որևէ մե­կից, այդ թվում նաև՝ Ձեր նշած մարդ­կանցից չի կարող վախենալ: Թող մաս­նակցեն, թող կռվեն: Ես որևէ խնդիր չեմ տեսնում, բայց այն, որ մենք կրում ենք այն պատասխանատվությունը, որ անե­լու ենք ամեն ինչ, որ բոլոր դեպքերում այդ ընտրությունները լինեն առանց որևէ խախտումների, միջադեպերի, մենք դա ապահովելու ենք: Ստեղծված իրավիճակը խոսում է այն մասին, որ նպատակահարմար չէ հենց հիմա գնալ արտահերթ ընտրությունների: Բացի դրանից, քանի որ մեր առաջարկությու­նը երկու ընդդիմադիր խմբակցություն­ները չեն կիսում, հետևաբար դա է խնդիրը, որ չենք գնում, թե չէ վախենալու մարդիկ չկան:

-Ըստ ընդդիմության՝ պարտված իշ­խանությունը, որը հանձնել է Արցախի մեծ հատվածը, պետք է հեռանա: Այ­սինքն՝ կապիտուլյացիա ստորագրած ցանկացած ղեկավար հեռանում է: Դուք այդ կարծիքին չե՞ք:

-Թե՛ հեռանալու է, թե՛ մնալու է իշխա­նության, դրա միակ որոշողը ժողո­վուրդն է: Դա հստակ ֆիքսված է մեր Սահմանադրությամբ, և ժողովուրդը քանի որ հիմա չի ասում, որ պետք է հե­ռանանք, փաստացի մենք տեսնում ենք, որ այդ պահանջը չկա: Այդ պահանջը կա որոշ անհատների կողմից, որոնք մինչ այս պրոցեսներն էլ էին ասում այդ ամե­նը, ուղղակի մինչև այս մի փոքր մեղմ էին ասում, հիմա ավելի կոշտացրել են»,-գրում է թերթը:

Նյութն ամբողջությամբ կարդացեք թերթի այսօրվա համարում: