Նեյմարը չի խաղա «Բարսելոնայի» դեմ

ՊՍԺ–ի բրազիլացի հարձակվող Նեյմարը մկանային վնասվածք է ստացել «Կանի» դեմ Ֆրանսիայի գավաթի խաղարկության 1/32 եզրափակիչի խաղում (1։0) եւ չի կարողանա մասնակցել «Բարսելոնայի» դեմ Չեմպիոնների լիգայի 1/8 եզրափակիչի առաջին հանդիպմանը, հաղորդում է ֆրանսիական L’Équipe–ը։

ՊՍԺ–ն «Բարսելոնային» կհյուրընկալվի փետրվարի 16–ին։ Պատասխան հանդիպումը Փարիզում տեղի կունենա մարտի 10–ին։

Ֆրանսիայի ընթացիկ առաջնությունում Նեյմարը մասնակցել է 11 հանդիպման, խփել 6 գոլ, կատարել 3 գոլային փոխանցում։