10 ինտրիգային փաստ՝ Ալյոշայի մասին
Առաջարկում ենք ավելի «մոտիկից» ծանոթանալ երգչուհի Ալյոշայի հետ: Երգչուհու մասին թոփ 10 ինտրիգային փաստի ծանոթացեք ստորև.
Տղամարդկային անունները նախընտրել է մանկուց
«Ես երկու մեծ եղբայր ունեմ, և երբ մայրս ինձնով հղի է եղել, բոլորը մտածել են, որ տղա է ծնվելու: Իսկ ծնվեցի ես: Եվ ահա, իմ եղբայրներն ինձ Ալյոնա ասելու փոխարեն ասացին Ալյոշա»:
Արական սեռին՝ նույնպես
«Ես միշտ խաղում էի տղաների հետ, պաշտում էի տանկերն ու մեքենաները: Իսկ ահա տիկնիկ, ես մեկ հատ ունեի, փոխարենը շատ սիրելի էր: Ի դեպ, հիմա էլ իմ ընկերների մեծամասնությունը տղամարդիկ են: Ինձ համար նրանց հետ շփվելն ավելի հեշտ է, քան կանանց: Ես երկու ընկերուհի ունեմ, որոնց հետ ընկերություն եմ անեմ դեռ մանկապարտեզից»:
Միշտ ունեցել եմ երկար վարսեր
«Ես դրանք միայն այս ամռանն եմ կտրել, մազերս գրեթե մինչև ծնկներս էին հասնում: Շատ դժվար էր դրանց հետևելը, բայց ես երկար ժամանակ չէի կարողանում որոշում կայացնել, որովհետև իրականում փոփոխություններին զգուշությամբ եմ վերաբերում, չնայած վերջին շրջանում ավելի համարձակ եմ դարձել»:
Երաժշտական տաղանդը ժառանգություն է ստացել
«Մեր ընտանիքում բոլորը երգող են, իսկ հայրս ու եղբայրներս կիթառ են նվագում: Իսկ ահա երաժշտական դպրոց, ես չեմ գնացել. այն տնից հեռու էր, ծնողներս երկուսն էլ աշխատում էին, ու ոչ ոք ինձ չէր կարող այնտեղ հասցնել»:
Դպրոցում վատ եմ սովորել
«Փոխարենը մասնակցել եմ բոլոր գեղարվեստական ինքնագործունեության մրցույթներին: Ուզում եմ շնորհակալություն հայտնել իմ բոլոր ուսուցիչներին ու տնօրենին՝ ինձ հասկանալու և աջակցելու համար: Երբ պետական քննություն էի հանձնում, մտա սենյակ, քաշեցի տոմսը (N8-ն էր, այսօրվա պես եմ հիշում), ինձ ասացին. «Դուք հանձնել եք քննությունը»»:
Ընդ որում՝ պատրաստվում էի փաստաբան դառնալ
«Երբ ավարտեցի դպրոցը, ծնողներիս հետ որոշեցինք, որ երգը՝ երգ, բայց դրանք ընդամենը երազանքներ են, անհրաժեշտ է լուրջ մասնագիտություն ձեռք բերել: Բայց, իմ պրոդյուսերը, ում հետ ես այն ժամանակ արդեն ծանոթ էի, իմ ձայնասկավառակը տվեց Օքսանա Բիլոզերին, որ նա լսի: Նրան դուր էր եկել և նա վերցրեց ինձ Մշակույթի ինստիտուտի էստրադային վոկալի ֆակուլտետ, դրան գումարած էլ մի փոքրիկ գումար էի ստանում: Իսկական հրաշք էր»:
Հաստատ գիտեմ, որ երազանքները կատարվում են
«Երբ ես Զապորոժյեում՝ Փառատոնների հրապարակով էի անցնում, նայում էի բեմին ու մտածում. «Տեր Աստված, եթե ես մեկ անգամ ելույթ ունենամ այս բեմում, ես ուղղակի երջանիկ կլինեմ: Ինձ այլ բան պետք չէ»: Եվ ես երգեցի այդ բեմում և այլ բեմերում ևս: Կարևորը՝ կամքն է ու ամեն ինչ ճիշտ անելը»:
Երազում եմ մեծ ընտանիքի մասին
«Ես շատ երեխաներ պիտի ունենամ: Բայց, առայժմ հիմա չէ, քանի որ հիմա էլ իմ ընտանիքը շատ մեծ է. ծնողներս, եղբայրներս, մորաքույրներ, քեռիներ, նրանց դուստրերը: Ուկրաինայի տարբեր մասերում մեծ «կլան» է: Մենք աշխատում ենք հաճախ հանդիպել, սիրում ու աջակցում ենք միմյանց»:
Սիրում ու կարողանում է պարել
«Բայց միայն դիսկոտեկներում: Իսկ ահա բեմում ես չեմ պարոմ: Դա իմը չէ: Իսկ պարային երաժշտություն կատարել չեմ պատրաստվում»:
Հաճույքով կմասնակցեի հնագիտական պեղումների
«Չեմ սիրում ժամանակակից պատմությունը: Նախընտրում եմ ավելի պատմական վայրեր այցելել, իմանալ գաղտնիքներ, գանձեր որոնել»: