«Մոսկվան չի պատրաստվում վերստեղծել Խորհրդային Միությունը». ՌԴ փոխարտգործնախարար

Ռուսաստանի փոխարտգործնախարար Անդրեյ Ռուդենկոն, ՏԱՍՍ գործակալությանը տված հարցազրույցի ժամանակ պատասխանելով հետխորհրդային տարածքում առկա քաղաքական իրավիճակի մասին լրագրողի հարցին, հերքել է լուրերը այն մասին, որ Մոսկվան ցանկանում է վերստեղծել Խորհրդային Միությունը:

«Համաձայն եմ, որ անցնող տարին նշանավորվել է մի շարք իրադարձություններով, որոնք այս կամ այն կերպ ազդում են մեր երկրների կյանքի վրա: Մեր հարևան պետություններում իրավիճակն ապակայունացնելու փորձերը շարունակվում են`դրանց զարգացման վեկտորը արմատապես փոխելու, Ռուսաստանից պոկելու և նրանց համար խորթ արժեքների համակարգ կառուցելու նպատակով: Մենք տեսնում ենք Արևմուտքի` հետխորհրդային տարածքը մշտական հակամարտության և լարվածության գոտու վերածելու ցանկությունը: Որպես մեր խնդիր տեսնում ենք նման քաղաքականությանը հակադրվելը:

Միևնույն ժամանակ, երբեմն մեզ մեղադրում են իբր Խորհրդային Միությունը վերստեղծելու ծրագրեր մշակելու համար: Սա ճիշտ չէ. Մոսկվան հետևողականորեն պաշտպանում է հավասար և փոխշահավետ համագործակցությունը հետխորհրդային բոլոր երկրների հետ՝ ապավինելով տարբեր ոլորտներում առկա ավանդական կապերին:

Վստահ ենք, որ ԱՊՀ գործընկերները հստակ պատկերացնում են այն մարտահրավերներն ու սպառնալիքները, որոնք գալիս են դրսից ներշնչված ներքին ցնցումներով: Հուսով ենք, որ մեր ընկերները կկարողանան կառուցողականորեն լուծել իրենց առջև ծառացած քաղաքական և սոցիալ-տնտեսական խնդիրները: Մեր կողմից մենք դրան կտրամադրենք բազմակողմանի աջակցություն ՝ օգտագործելով այդ թվում ինտեգրացիոն ասոցիացիաների ՝ ԵԱՏՄ-ի, ՀԱՊԿ-ի, ԱՊՀ-ի հնարավորությունները»,-ասել է ՌԴ փոխարտգործնախարարը:

Ռուդենկո. Ռուսաստանը հետեւողականորեն հանդես է գալիս Հարավային Կովկասում առևտրային շրջափակման և սահմանափակումների դեմ

ՌԴ ԱԳՆ. Արևմուտքը ձգտում է հետխորհրդային տարածքը մշտական ​​հակամարտությունների եւ լարվածության գոտու վերածել

ԵԱՀԿ ՄԽ-ն կարող էր ակտիվություն դրսևորել հայերի և ադրբեջանցիների միջև վստահության ամրապնդման հարցերում. ՌԴ ԱԳ փոխնախարար