358 000 դոլար. Մեծ Բրիտանիայում ցեղական կովն իր «գենետիկ հատկանիշների» շնորհիվ ռեկորդային գնով է վաճառվել

Մեծ Բրիտանիայում ցեղական կովը վաճառվել է 262 000 ֆունտ ստերլինգով (358 000 դոլար), ինչն աշխարհում ռեկորդային ցուցանիշ է և ավելի քան կրկնակի գերազանցում է նախկինում սահմանված բրիտանական և եվրոպական ռեկորդները, գրում է Luxury Launches-ը։

Խոշոր եղջերավոր անասունը, որին 1990-ական թվականների The Spice Girls փոփ խմբի պատվին անվանակոչել են շքեղ Spice (Սփայս), վաճառվել է անցյալ ուրբաթ, հայտնել է խոշոր եղջերավոր անասունների Limousin բրիտանական ընկերությունը:

Ըստ հաղորդման՝ կենդանին իր «գենետիկ հատկանիշների» շնորհիվ գրավել է աճուրդի շատ մասնակիցների ուշադրությունը:

Նշվում է, որ կենդանու մայրը 2014 թվականին վաճառքից հետո Մեծ Բրիտանիայի և Եվրոպայի նախորդ ռեկորդակիրն էր համարվում։