Արտակարգ դեպք «Կոշի» գաղութում․ աշխատակիցները ապացուցեին, որ «ղուշն իր թևով, օձն իր պորտով» չի կարող մտնել գաղութ

SHAMSHYAN.com-ի տեղեկություններով՝ երեկ՝ փետրվարի 4-ին, արտակարգ դեպք է տեղի ունեցել ՀՀ Արդարադատության նախարարության «Կոշ» քրեակատարողական հիմնարկում։

ժամը 22։30-ի սահմաններում գաղութի ծառայողները կասկածելի շարժ են նկատել արգելագոտու հատվածում և պարզվել է, որ անհիմն չի եղել։ Նրանք տվյալ հատվածում հայտնաբերել են ներնետված փաթեթ։

Ինչպես հայտնում է ֆոտոլրագրող Գագիկ Շամշյանը, բացելով փաթեթը այնտեղ հայտնաբերել են 0.7, 1.3, և 0.7 գրամ քաշերով կանեփանման (մարիխուանա) կանաչավուն զանգվածներ, 0.2 գրամ քաշով դարչնագույն փոշենման զանգված, 1 հատ «B 8» գրառմամբ դեղահաբ և 24 հատ սպիտակ դեղահաբ: Գ․ Շամշյանի տեղեկություններով՝ փաստի առթիվ «Կոշ» քրեակատարողական հիմնարկում նյութեր են նախապատրաստվում, որի ընթացքում էլ պետք է պարզվի, թե ով կամ ովքեր և ում համար են նշված փաթեթը նետել «Կոշի» գաղութի տարածք։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: