Չինաստանում կորոնավիրուսի հայտնաբերման համար սկսել են ռեկտալ քսուք օգտագործելՉինաստանում կորոնավիրուսի հայտնաբերման համար սկսել են ռեկտալ քսուք օգտագործել
Չինաստանում կորոնավիրուսի հայտնաբերման համար սկսել են ռեկտալ քսուք օգտագործել` քթաըմպանից ավանդական քսուքի փոխարեն: Պեկինի Յուան հիվանդանոցի շնչառական եւ վարակիչ հիվանդությունների բաժանմունքի վարիչի տեղակալ Լի Տունցզենը ասում է, որ ռեկտալ քսուքն ավելի հուսալի է եւ բարձրացնում է հետազոտության ճշգրտությունը:
Ինչպես հաղորդում է ՏԱՍՍ-ը, կորոնավիրուսը ուղիղ աղիքում եւ արտադրություններում ավելի երկար է պահպանվում, քան վերին շնչուղիներում: Բացի այդ, վարակի մեղմ ձեւ ունեցող մարդկանց մոտ վարակից 3-5 օր անց գուցե հնարավոր չլինի հայտնաբերել վիրուսը կոկորդից կամ քթից քսուք վերցնելով:
Ճիշտ է, մասնագետները խոստովանում են, որ ռեկտալ քսուքն այնքան էլ հարմար չէ, որքան քթաըմպանից վերցվածը: Այս կապակցությամբ, նման քսուքը, ըստ Լի Տունցզենի, նախատեսվում է օգտագործել միայն «կենտրոնացված կարանտինի կետերում բնակչության առանցքային խմբերի թեստավորման համար»։