Ամերիկացի գիտնականները բացահայտել են հիվանդությունը, որի առկայությունը եռապատկում է COVID-19-ից մահանալու հավանականությունը

Ամերիկացի գիտնականները պարզել են, որ շիզոֆրենիա ունեցող հիվանդների մոտ 2,7 անգամ ավելի մեծ է հավանականությունն առ այն, որ նրանք կմահանան COVID-19-ից, քան այն մարդիկ, որոնք չունեն այս հոգեկան խանգարումը: Հետազոտությունը հրապարակված է JAMA Psychiatry պարբերականում:

Վերլուծության ընթացքում մասնագետները ուսումնասիրել են 2020 թվականի մարտից մայիս ընկած ժամանակահատվածում Նյու Յորքից ժամանած 26 540 հիվանդի բժշկական գրառումները, որոնցից 7348-ը վարակվել է կորոնավիրուսով: Գիտնականները հոգեկան հիվանդություն ունեցող հիվանդներին բաժանել են երեք կատեգորիաների. շիզոֆրենիկ, աֆեկտիվ և տագնապային խանգարումներ ունեցողների՝ համեմատելով նրանց հիվանդության արդյունքը COVID-19-ով վարակված այն հիվանդների հետ, որոնք նման խանգարումներ չեն ունեցել:

Այսպիսով, կորոնավիրուսով վարակված ավելի քան 7000 անձից 75-ը տառապում էր շիզոֆրենիայով, 564-ը ՝ աֆեկտիվ խանգարումներով, ևս 360-ը ՝ տագնապային խանգարումներով: Միևնույն ժամանակ, COVID-19-ով տառապող 864 հիվանդ մահացել է կամ տեղափոխվել է հոսպիտներ ախտորոշման պահից 45 օրվա ընթացքում:

Սեռի, տարիքի, ռասայի և հայտնի ռիսկի գործոնների արդյունքները ճշգրտելուց հետո գիտնականները պարզել են, որ շիզոֆրենիա ունեցող մարդկանց պարագայում COVID-19-ից մահանալու հավանականությունը մոտ 2,7 անգամ ավելի է: Միևնույն ժամանակ, գիտնականները կապ չեն գտել աֆեկտիվ կամ տագնապային խանգարումների և կորոնավիրուսից մահվան միջև:

Ինչպես նշել են հետազոտության հեղինակները, շիզոֆրենիա ունեցող մարդկանց կյանքի տևողության նվազումը սովորաբար կապված է այլ բժշկական ռիսկի գործոնների հետ: Միևնույն ժամանակ, մասնագետները նշել են, որ շիզոֆրենիայի և COVID-19- ից մահացության կապի վերաբերյալ անհրաժեշտ է հետագա հետազոտություն: