на Русском
«BMW» մակնիշի մեքենա է այրվել․ մանրամասներ
Ով կկարողանա վերահսկել Կենտրոնական Ասիան, նա ... 
«ԱՄՆ-Չինաստան հարաբերություններն օրեցօր ավելի թշնամական են դառնում, սակայն դա չի բացառում երկու երկրների միջև համագործակցությունը»․ Բլինկեն
ԱՄՆ-Չինաստան հարաբերություններն օրեցօր ավելի թշնամական են դառնում, սակայն դա չի բացառում երկու երկրների միջև համագործակցությունը։ Այս մասին հայտարարել է ԱՄՆ նորընտիր պետքարտուղար Էնթոնի Բլինկենը, փոխանցում է Reuters-ը։
«Գաղտնիք չէ, որ ԱՄՆ-ի և Չինաստանի հարաբերություններն աշխարհում, թերևս, ամենակարևորն են։ Դրանք շատ առումներով կձևավորեն ապագան, որում մենք բոլորս կապրենք։ Բայց ավելի ու ավելի հաճախ այդ հարաբերություններում առաջանում են որոշ թշնամական տարրեր, այդ թվում՝ մրցակցային տարրեր, թեև առկա են նաև համագործակցության տարրեր: Եվ համագործակցությունը գործում է այն ոլորտներում, որոնք փոխադարձ հետաքրքրություն են ներկայացնում»,- նշել է նա:
Բլինկենն ընդգծել է, որ ընդհանուր հետաքրքրությունների դաշտում է նաև կլիմայի շուրջ ստեղծված իրավիճակը:
«Ի շահ Չինաստանի, Միացյալ Նահանգների և ամբողջ աշխարհում այլ երկրների, պետք է գլոբալ տաքացման դեմ պայքարում հասնել կոնկրետ հաջողությունների։ Ես վստահ եմ՝ մենք ի վիճակի ենք իրագործել դա»,- ընդգծել է արտաքին քաղաքական գերատեսչության ղեկավարը՝ հույս հայտնելով, որ Պեկինի հետ աշխատանքն այս հարցում կշարունակվի։
Սենատում անցած շաբաթ կայացած լսումների ժամանակ Բլինկենը հայտարարել էր, որ նախագահ Ջո Բայդենի վարչակազմի օրոք ԱՄՆ-ն Չինաստանի նկատմամբ գործելու է «ուժի դիրքերից» ՝ հենվելով դաշնակիցների վրա և մեծացնելով իր զինված ուժերը:
