на Русском
«BMW» մակնիշի մեքենա է այրվել․ մանրամասներ
Ով կկարողանա վերահսկել Կենտրոնական Ասիան, նա ... 
Բայդենն ու Մակրոնը քննարկել են արտաքին քաղաքականության ոլորտում համագործակցությունը
ԱՄՆ նախագահ Ջո Բայդենը հեռախոսազրույց է ունեցել Ֆրանսիայի նախագահ Էմանուել Մակրոնի հետ։ Վաշինգտոնի վարչակազմի ղեկավարն անդրատլանտյան հարաբերություններն ամրապնդելու պատրաստակամություն է հայտնել, ասված է Սպիտակ տան կայքում հրապարակված հաղորդագրության մեջ:
«Նախագահ Ջո Բայդենը հունվարի 24-ին հեռախոսազրույց է ունեցել Ֆրանսիայի նախագահ Էմանուել Մակրոնի հետ, որպեսզի արտահայտի մեր հնագույն դաշնակցի հետ երկկողմ կապերն ամրապնդելու ցանկությունը։ Նախագահ Բայդենը նաև ընդգծել է անդրատլանտյան հարաբերություններն ամրապնդելու իր պատրաստակամությունը, այդ թվում՝ ՆԱՏՕ-ի և Եվրամիության հետ Միացյալ Նահանգների գործընկերության միջոցով»,- ասված է հաղորդագրության մեջ:
Նշվում է, որ երկու պետությունների ղեկավարները նաև պայմանավորվել են համատեղ աշխատել «արտաքին քաղաքականության ընդհանուր գերակայությունների», այդ թվում՝ Չինաստանի և Ռուսաստանի, Մերձավոր Արևելքի և Աֆրիկայի Սահելի տարածաշրջանի ուղղությամբ։ Բացի այդ, ԱՄՆ-ի և Ֆրանսիայի նախագահներն անհրաժեշտ են համարել սերտ համագործակցություն ծավալել կլիմայի փոփոխության, կորոնավիրուսի համավարակի դեմ պայքարի և համաշխարհային տնտեսության վերականգնման խնդիրների շուրջ:
Հունվարի 20-ին նախագահի պաշտոնը ստանձնելուց հետո Բայդենը զրույցներ է ունեցել Կանադայի վարչապետ Ջասթին Թրյուդոյի, Մեքսիկայի նախագահ Անդրես Մանուել Լոպես Օբրադորի և Մեծ Բրիտանիայի վարչապետ Բորիս Ջոնսոնի հետ:
