«Նա վաղուց է ծնվել». Յուլյա Նաչալովայի սիրելին խոսել է հանգուցյալ երգչուհու որդու մասին

Նիժնի Նովգորոդի դատավոր Վյաչեսլավ Կուդրյան պատմել է հանգուցյալ երգչուհու երեխայի մասին։ Յուլյա Նաչալովայի մայրը դառնալու երազանքն իրականացել է նրա մահից հետո:

Երգչուհին կյանքից հեռացել է գրեթե երկու տարի առաջ. նա 38 տարեկան էր։ Արտիստուհու մոտ զարգացել է սեպսիս, որն առաջացել է ոտքի վնասվածքից։ Աստղի հրաժեշտի արարողությանը ներկա են եղել նրա հարազատներն ու մտերիմները, այդ թվում ՝ դուստրը՝ Վերա Ալդոնինան եւ բոյֆրենդը՝ Վյաչեսլավ Կուդրյան:

Այս շաբաթ հայտնի է դարձել, որ երգչուհու մահից հետո ծնվել է նրա որդին։ Ինչպես պարզվել է, Յուլյան դեռ կենդանության օրոք սառեցրել է ձվաբջիջները, քանի որ վաղուց երազում էր երկրորդ երեխա ունենալ, բայց վստահ չէր, որ կարող է երեխային ինքնուրույն ծննդաբերել։ Փոփ աստղի կյանքից հեռանալուց հետո նրա սիրեցյալը օգտվել է փոխնակ մոր ծառայություններից եւ իրականացրել երգչուհու երազանքը:

Կուդրյան դեռ զգուշորեն է խոսում որդու ծննդյան մասին: НТВ հեռուստաալիքի «Ты не поверишь!» հաղորդմանն իրավաբանը հայտնել է, որ ինքը Յուլյայի մահից հետո չի ամուսնացել։ Նա հաստատել է որդու ծննդյան փաստը՝ ի պատասխան շնորհավորանքների։ «Շնորհակալություն, միայն թե դուք ուշացել եք։ Նա վաղուց է ծնվել։ Ես չգիտեմ, թե ինչ են գրում լրատվամիջոցները, ցավոք, կամ բարեբախտաբար։ Ես շատ աշխատանք ունեմ։ Ինչ է փոքրիկի անունը, ասել չեմ կարող։ Յուլյան այլեւս չկա», - հայտարարել է Վյաչեսլավը։