ԱՄՆ Ներկայացուցիչների պալատը նախատեսում է Թրամփի իմպիչմենտի մասին հոդվածներ ներկայացնել արդեն հունվարի 11-ին

ԱՄՆ Ներկայացուցիչների պալատը մտադիր է Թրամփի իմպիչմենտի մասին հոդվածներ ներկայացնել արդեն հունվարի 11-ին, հայտնում է Axios-ը` վկայակոչելով դեմոկրատների պլաններին ծանոթ մի քանի աղբյուր:

Ներկայացուցիչների պալատի խոսնակ Նենսի Փելոսին հայտարարել է, որ եթե Թրամփն անմիջապես հրաժարական չտա, ապա նա Կանոնների հանձնաժողովին հանձնարարել է պատրաստ լինել կոնգրեսական Ջեյմի Ռասկինի 25-րդ փոփոխության բանաձեւի ընդունմանը եւ իմպիչմենտի առաջարկին»:

Ոչ մի նախագահ երբեւէ երկու անգամ իմպիչմենտի չի ենթարկվել, սակայն Թրամփն այժմ բախվում է այս իրական հեռանկարին. նրան մնացել է ընդամենը 12 օր: Եթե ​​Թրամփն իմպիչմենտի ենթարկվի Ներկայացուցիչների պալատի կողմից եւ դատապարտվի Սենատի կողմից, ապա նրան կարող են արգելել առաջադրվել նախագահի պաշտոնում 2024 թվականին:

Փելոսին եւ Սենատի փոքրամասնության առաջնորդ Չակ Շումերը (Նյու Յորք նահանգ) աճող անհանգստություն են հայտնում այն ​​ենթադրվող սպառնալիքի կապակցությամբ, որոնք Թրամփը ներկայացնում է նախագահի պաշտոնում մնացած օրերին: Իմպիչմենտի մասին հոդվածների նախագծերը, որոնք, ինչպես սպասվում է, կներկայացվեն երկուշաբթի, «ապստամբության հրահրման» վերաբերյալ կետ կներառեն:

Ներկայացուցիչների պալատի հանրապետական ​​առաջնորդ Քեվին Մաքքարթին հայտարարել է, որ «նախագահին իմպիչմենտի ենթարկելը նրա լիազորությունների ավարտից 12 օր առաջ միայն կպառակտի երկիրը»: