Յուրգեն Կլոպ․ 6 խաղում 2 հաղթանակը մեր չափանիշը չէ, կարող են առաջադիմել

Անգլիայի չեմպիոն «Լիվերպուլի» գերմանացի գլխավոր մարզիչ Յուրգեն Կլոպը գոհ չէ թիմի արդյունքներից վերջին խաղերում։

«Մենք չէինք սպասում այսպիսի շարք եւ դժգոհ ենք։ 6 խաղում 2 հաղթանակը մեր չափանիշը չէ, մենք կարող ենք առաջադիմել։ Չեմ կարծում, որ վերջին մի քանի շաբաթում ամեն ինչ շատ վատ էր, բայց մենք կարող ենք ավելի լավ հանդես գալ։

Անգլիայի Պրեմիեր լիգան շատ բարդ մրցաշար է։ Մրցակիցներն առավելագույնն են ցուցադրում խաղադաշտում, եւ երբ դու մի փոքր արգելակում ես, արդյունքներն անմիջապես վատանում են»,- Կլոպի խոսքը մեջբերում է BBC-ն։

Անգլիայի առաջնության 17-րդ տուրում «Լիվերպուլը» հունվարի 4-ին 0։1 հաշվով պարտվել է «Սաութհեմփթոնին» եւ 33 միավորով առաջին տեղում է, սակայն մեկ հանդիպում քիչ անցկացրած «Մանչեսթեր Յունայթեդը» նույնպես ունի 33 միավոր։