Մոուրինյո․ Վաղը կլինի ամենակարեւոր հանդիպումս «Տոտենհեմը» գլխավորելուց հետո

Լոնդոնի «Տոտենհեմի» պորտուգալացի գլխավոր մարզիչ Ժոզե Մոուրինյոն ներկայացրել է իր սպասելիքները «Բրենթֆորդի» հետ Անգլիական լիգայի գավաթի խաղարկության կիսաեզրափակիչից։

«Կարծում եմ՝ վաղը կլինի ամենակարեւոր հանդիպումս «Տոտենհեմը» գլխավորելուց հետո։ Ակումբը տարիներ շարունակ ոչ մի տիտղոս չի նվաճել, եւ այդ տեսանկյունից իսկապես կարեւոր հանդիպում է։

2005-ին Անգլիայում ես իմ առաջին մրցաշրջանում նվաճել եմ այս տիտղոսը։ Ես սթափ եմ նայում այսպիսի երեւույթներին մի ակումբում, որը շատ վաղուց որեւէ մրցաշարում չի հաղթել։

Եթե հաղթենք երկու խաղում, կնվաճենք այս գավաթը։ Սպասվում է երկու բարդ հանդիպում»,- Մոուրինյոյի խոսքը մեջբերում է BBC-ն։

«Տոտենհեմ» - «Բրենթֆորդ» հանդիպումը տեղի կունենա հունվարի 5-ին եւ կմեկնարկի Երեւանի ժամանակով 23։45-ին։