Մերկելը ասել է, թե երբ է նախատեսում պատվաստվել COVID-19-ի դեմ

Գերմանիայի կանցլեր Անգելա Մերկելը ասել է, որ կպատվաստվի կորոնավիրուսի դեմ այն ժամանակ, երբ այս արշավի շրջանակներում հերթը իրեն հասնի:

Նա ընդգծել է, որ ավելի ու ավելի շատ մարդիկ են մասնակցում պատվաստումներին:

«Քայլ առ քայլ այն կհասնի այլ տարիքային և մասնագիտական խմբերին, այնուհետև բոլոր ցանկացողներին: Ես նույնպես պատվաստվելու եմ, երբ հերթը ինձ հասնի», – ասել է Մերկելը:

Բացի այդ, քաղաքական գործիչը COVID-19 պատվաստանյութը 2021 թվականի համար«հույսի խորհրդանիշ» է անվանել։