на Русском
Ոչ ոք չպետք է լռի բռնության առջև, դա յուրաքան... 
Հպարտ եմ կրթվելու և լուսավորվելու մեր պապերի ... 
ՌԴ և Թուրքիայի նախագահների անձնական փոխհարաբերությունները թույլ են տալիս գտնել ներդաշնակ լուծումներ. Պեսկով
Ռուսաստանի եւ Թուրքիայի նախագահներ Վլադիմիր Պուտինի եւ Թայիփ Էրդողանի անձնական հարաբերություններն ու կառուցողական տրամադրվածությունը թույլ է տալիս գտնել վիճելի հարցերում ներդաշնակ լուծումներ, պատմել է Ռուսաստանի առաջնորդի մամուլի քարտուղար Դմիտրի Պեսկովը «Ռոսսիա 1» հեռուստաալիքի եթերում «Մոսկվա: Կրեմլ: Պուտին» հաղորդման եթերում:
«Բացի այդ, իհարկե, մենք ունենք երկկողմանի հարաբերությունների հսկայական հիմք: Եւ երբ այդ շրջանակում երկու պետությունները ղեկավարում են առաջնորդները, որոնք այդպես են վերաբերվում միմյանք, որոնք միմյանց համարում են խոսքի եւ գործի մարդ, դա գրավականն է այն բանի, որ, եթե անգամ ծագում են տարաձայնություններ, եթե ծագում է շահերի բախում, ապա առաջնորդների կառուցողական տրամադրվածությունը թույլ կտա ներդաշնակ ելք գտնել այդ իրավիճակից»,-ասել է նա:
Պեսկովը հավելել է, որ Ռուսաստանն ու Թուրքիան խոշորագույն աշխարհաքաղաքական խաղացողներ են, որոնք կարող են եւ պետք է ունենան նշանակալի ներդրում տարածաշրջանում անվտանգության եւ կայունության գործում: «Ամեն դեպքում պետք է անել այնպես, որ պատերազմ չլինի»,-եզրափակել է նա:
