Ֆրենկ Լեմպարդն «Արսենալից» կրած պարտությունից հետո դժգոհել է Տիմո Վերներից

Լոնդոնի «Չելսիի» անգլիացի գլխավոր մարզիչ Ֆրենկ Լեմպարդը Պրեմիեր լիգայի 15-րդ տուրում Լոնդոնի «Արսենալից» կրած 1։3 հաշվով պարտությունից հետո դժգոհել է 24-ամյա գերմանացի հարձակվող Տիմո Վերներից, որը մեկնարկային կազմում էր, սակայն փոխարինվեց ընդմիջմանը։ Վերները 10 հանդիպում անընդմեջ գոլ չի խփել «Չելսիում»։

«Վերները բավարար չօգնեց մեզ այս խաղում՝ ոչ գնդակով, ոչ էլ առանց գնդակի։ Բայց նրան պետք է ժամանակ տալ։ Կրկնում եմ սա, քանի որ նա հայտնվել է նոր լիգայում։

Սակայն այդ գործընթացը պետք է արագացնել։ Մենք դեռ կխոսենք նրա հետ հոգնածության մասին։ Ես զգացի, որ պետք է փոփոխություններ մտցնել եւ փոխարինեցի նրան»,- Լեմպարդի խոսքը մեջբերում է BBC-ն։

«Չելսին» 25 միավորով 7-րդ տեղում է։ «Արսենալը» 14-րդն է՝ 17 միավոր։