«Ռեալը» մտադիր է վաճառել Մարսելոյին

Մադրիդի «Ռեալը» մտադիր է վաճառել բրազիլացի ձախ պաշտպան Մարսելոյին, հաղորդում է AS–ը։ 32–ամյա ֆուտբոլիստը կորցրել է թիմի գլխավոր մարզիչ Զինեդին Զիդանի եւ թիմակիցների վստահությունը։

Մարսելոյի գործող պայմանագիրը նախատեսված է մինչեւ 2022թ. հունիս։ Ընթացիկ մրցաշրջանում նա մասնակցել է 6 հանդիպման, կատարել 2 գոլային փոխանցում։

«Ռեալը» Մարսելոյին ձեռք է բերել 2007թ. հունվարին բրազիլական «Ֆլումինենսեից» 6,5 միլիոն եվրոյով։ Մադրիդյան թիմում անցկացրած 515 խաղում նա խփել է 38 գոլ, կատարել 99 գոլային փոխանցում։