Փաստացի ԱՀ Նախագահ Բաբայան. Պատերազմի ընթացքում մեծ թվով հարցեր ՀՀ-ից ուղիղ Սամվել Բաբայանի հետ է քննարկվել, որոնց մի մասին նույնիսկ Արայիկ Հարությունյանը տեղյակ չի եղել. «Փաստ»

«Փաստ» թերթը գրում է.

«Արցախում ի սկզբանե շատ վատ արձագանք ստացավ ԱԽ քարտուղար Սամվել Բաբայանի հրաժարականը, սակայն ոչ թե այն պատճառով, որ նրանով Արցախում հիացած են, այլ որովհետև հրաժարականն ընդունվեց որպես փախուստ պատասխանատվությունից։

«Փաստ» թերթի տեղեկություններով՝ Արայիկ Հարությունյանի շրջապատում խոսում են, որ Բաբայանն ամբողջությամբ պատասխանատվություն է կրում ստեղծված իրավիճակի համար, նույնիսկ ավելի շատ, քան Արայիկ Հարությունյանը, որովհետև մեծ թվով հարցեր ՀՀ-ից ուղիղ նրա հետ են խոսվել, պայմանավորվել, որոնց մի մասին նույնիսկ Ա.Հարությունյանը չի տիրապետել։

Արցախյան մեր աղբյուրի փոխանցմամբ՝ վերջին շրջանում Բաբայանը փորձում է Արցախի տարբեր կարող ուժերի, դեմքերի հետ կապի դուրս գալ՝ պահպանելու ազդեցությունը ներքաղաքական գործընթացներում, սակայն հատկապես պատերազմական գործողություններից հետո նրա նկատմամբ վստահությունն էլ ավելի մեծ նահանջ է ունեցել՝ նրան զրկելով Արցախում «տեղավորվելու» նոր հնարավորությունից»,-գրում է թերթը:

Նյութն ամբողջությամբ կարդացեք թերթի այսօրվա համարում: