Յուրգեն Կլոպ․ Մոուրինյոյի արածը «Տոտենհեմում» տպավորիչ է

Անգլիայի չեմպիոն «Լիվերպուլի» գերմանացի գլխավոր մարզիչ Յուրգեն Կլոպը խոսել է Լոնդոնի «Տոտենհեմի» հետ առաջիկա դիմակայությունից իր սպասելիքների մասին։

«Մոուրինյոն արդեն ապացուցել է, որ կարող է վերադառնալ խաղի մեջ։ Նրա արածը «Տոտենհեմում» տպավորիչ է։ Թիմը շատ լավ է խաղում, առջեւում հաջողություն չունենալուց էլ կոլեկտիվ պաշտպանվում է։

Հիմա Պրեմիեր լիգայում շատ են լավ թիմերը։ Դա մեզ միավորում է։ Եթե «Լիվերպուլը» չեզոքացնի Սոնին եւ Քեյնին, նրանց կազմից աչքի կընկնի մեկ ուրիշը։ «Տոտենհեմը» գերազանց թիմ է, որն ունի վտանգավոր խաղացողներ»,- Կլոպի խոսքը մեջբերում է Liverpool Echo-ն։

Անգլիայի առաջնության 13-րդ տուրի «Լիվերպուլ» - «Տոտենհեմ» հանդիպումը տեղի կունենա դեկտեմբերի 16-ին։

«Տոտենհեմը» 25 միավորով գլխավորում է մրցաշարային աղյուսակը։ «Լիվերպուլը» նույնքան միավորով երկրորդն է։