Դոնալդ Թրամփի զարմուհին հայտարարել է, որ իր հորեղբայրը պետք է բանտում լինի նախագահական ժամկետի ավարտից հետո

ԱՄՆ նախագահ Դոնալդ Թրամփի զարմուհին` Մերի Թրամփը, հայտարարել է, որ իր հորեղբայրը «հանցագործ, դաժան մարդ եւ դավաճան» է, եւ նրա տեղը բանտում է Միացյալ Նահանգների նախագահի պաշտոնավարման ժամկետի ավարտից հետո, հայտնում է Associated Press-ը:

Մերի Թրամփն իր խիստ անհամաձայնությունն է հայտնել, որ Դոնալդ Թրամփի դատավարությունը կարող է սրել քաղաքական տարաձայնությունները երկրում:

«Անկեղծ ասած` բավականին վիրավորական է կրկին ու կրկին կրկնել, որ ամերիկացի ժողովուրդը կարող է հաղթահարել եւ որ մենք պարզապես պետք է առաջ շարժվենք»,- հայտարարել է նա գործակալությանը տված հարցազրույցում:

Նրա խոսքով` եթե ​​ինչ-որ մեկն արժանի է դատավարության, ապա դա Դոնալդ Թրամփն է:

«Հակառակ դեպքում մենք բաց կլինենք մեկի գալու համար, ով, կհավատաք, թե ոչ, նույնիսկ իրենից վատը կլինի»,- ասել է նա:

Դոնալդ Թրամփի նախագահական ընտրարշավում ԱՄՆ նախագահի զարմուհու հայտարարությունները մեկնաբանեցին միայն մեկ հարցով. «Նա նշել է, որ իրեն պետք է վաճառել գիրքը»:

Հիշեցնենք, որ Մերի Թրամփը իր հորեղբող մասին աղմկահարույց գրքի հեղինակն է ՝ «Չափազանց շատ եւ միշտ քիչ. Ինչպես է իմ ընտանիքը ստեղծել աշխարհի ամենավտանգավոր մարդուն» (Too Much And Never Enough: How My Family Created the World's Most Dangerous Man).
Նրա «Հաշվեհարդար» (The Reckoning) նոր գիրքը դուրս կգա 2021 թվականի հուլիսից ոչ շուտ: