Եվրոպական հանձնաժողովը սահմանափակել է Եվրոպայում կորոնավիրուսի դեմ ռուսական պատվաստանյութերի օգտագործումը

Հունգարիայի կողմից ռուսական կորոնավիրուսի պատվաստանյութ օգտագործելու թույլտվությունը չի տարածվում ամբողջ Եվրամիության վրա։ Այս մասին հայտնել է Եվրահանձնաժողովի երկայացուցիչը՝ տեղեկացնում է RIA Novosti-ն։

«ԵՄ-ն նախընտրելի է համարում, որ բոլոր պատվաստանյութերը, որոնք առաջարկվում են Եվրոպայի քաղաքացիներին, հաստատվեն Եվրոպական դեղերի գործակալության կողմից»,- ասել է նա:

Միևնույն ժամանակ, ԵՀ խոսնակը հավելել է, որ պետություններն ինքնուրույն են որոշում, թե որ պատվաստանյութն են խորհուրդ տալիս իրենց քաղաքացիներին:

«Եթե այս պատվաստանյութը թույլատրված է օգտագործել Հունգարիայի իշխանությունների կողմից, ապա մենք խոսում ենք միայն Հունգարիայի տարածքում օգտագործման մասին», – եզրափակել է նա։