ԱՄՆ-ում դեռահասի են ձերբակալել առևտրի կետնրոնում հրաձգությունից հետո

Ամերիկյան Ուոուաթոս քաղաքի (Վիսկոնսին նահանգ) ոստիկանությունը, որտեղ ավելի վաղ առեւտրի կենտրոնում հրաձգոթյուն էր տեղի ունեցել, հայտնել է 15-ամյա պատանու ձերբակալման մասին, որը կապված է այս հանցագործության հետ, փոխանցում է «ՌԻԱ Նովոստի»-ն։

Քաղաքի ոստիկանությունն ավելի վաղ հայտարարել էր, որ Վիսկոնսինում առեւտրի կենտրոնում հրաձգության հետեւանքով տուժել էր 8 մարդ։ Ինչպես հաղորդվում էր, կասկածյալին հաջողվել էր թաքնվել։

«Ուոուաթոսի ոստիկանության դեպարտամենտը ուրախ է հայտնել լատինաամերիկյան ծագմամբ 15-ամյա երիտասարդի ձերբակալության մասին՝ կապված Mayfair Mall առեւտրի կենտրոնում հրաձգության հետ։ Հրազենը, որը, հավանաբար, օգտագործվել է այդ միջադեպի ժամանակ, հայտնաբերվել է ձերբակալության վայրում»,- նշված է ոստիկանության հայտարարության մեջ։ Տեքստը հրապարալվել է FOX 6 Now հեռուստաալիքում։

Ոստիկանությունից շեշտել են, որ այս «բռնության ակտը» պատահական չէր, այլ բախում էր երկու խմբավորումների միջեւ։

«Ինչպես հաճախ է պատահում համանման իրավիճակներում, վիրավորումներ են ստանում անմեղ անցորդները։ Այս իրադարձության ժամանակ կյանքին վտանգ չսպառնացող վիրավորում էին ստացել 4 անմեղ անցորդներ։ Մենք նրանց ամենայն բարիք ենք ցանկանում եւ աղոթում նրանց առողջության համար»,- հայտարարել է քաղաքի ոստիկանապետ Բարրի Վեբերը։

Ոստիկանությունից նաեւ նշել են, որ կասկածյալի լուսանկարները չեն հրապարակում՝ «հետաքննությանը վնաս չհասցնելու եւ հանցանշանների հնարավոր ոչնչացման մտավախությունից ելնելով»։