Մխիթարյանը Ռոմայի վերջին 3 խաղում 6 գոլ է խփել

«Ռոման» Ա սերիայի 8-րդ տուրում 3-0 հաշվով հաղթեց «Պարմային»։ «Գայլերի» հայ կիսապաշտպան Հենրիխ Մխիթարյանը դուբլ ձևակերպեց։

Այսպիսով, Մխիթարյանը «Ռոմայի» վերջին 3 խաղերում 6 գոլ է խփել։ 31-ամյա ֆուտբոլիստը հեթ-տրիկ էր ձևակերպել «Ջենոայի» դեմ Ա սերիայի խաղում (3-1), ինչպես նաև աչքի էր ընկել Եվրոպայի լիգայի «Կլուժի» դեմ խաղում (5-0):

Ավելի վաղ տեղեկացրել էինք, որ Մխիթարյանը Ա սերիայի մեկնարկային 8 տուրերից հետո 5 գոլ է խփել ու թարմացրել անձնական ցուցանիշը եվրոպական թոփ-5 լիգաներում։