Իրանի ԱԳՆ-ն ձախողված է անվանել երկրի վրա ԱՄՆ-ի «առավելագույն ճնշման» քաղաքականությունը

Իրանի դեմ ԱՄՆ «առավելագույն ճնշման» քաղաքականությունը շրջվել է «առավելագույն ձախողմաբ», հինգշաբթի ասել է Իրանի ԱԳՆ պաշտոնական ներկայացուցիչ Սաիդ Խաթիբզադեն, փոխանցում է ՏԱՍՍ-ը։

«[ԱՄՆ պետքարտուղար Մայքլ] Պոմպեոյից բխող հիասթափությունը հասկանալի է։ Նրա «առավելագույն ճնշման քաղաքականությունը հասել է առավելագույն ձախողման»,- Twitter-յան իր էջում նշել է Խաթիբզադեն։

Պետքարտուղարության ղեկավարը երեկ հայտարարել էր, որ ամերիկյան կառավարությունը՝ Դոնալդ Թրամփի գլխավորությամբ, նախատեսում է հետագայում եւս խստացնել Իրանի դեմ պատժամիջոցների ռեժիմը։ «Իրանի վրա առավելագույն ճնշման արշավը գործուն է, պատժամիջոցների կիրառումը կշարունակվի, եւ ԱՄՆ-ն, առանց վարանելու, ցավոտ հետեւանքներ կապահովի նրանց համար, ովքեր գործունությամբ են զբաղվում, որոնց վրա տարածվում են սահմանափակող միջոցները։ Առաջիկա շաբաթներին եւ ամիսներին մենք Իրանի դեմ նոր պատժամիջոցներ կսահմանենք՝ օգտագործելով մեր լիազորությունները միջուկային գործունության, ահաբեկչության դեմ պայքարի եւ մարդու իրավունքների ոլորտներում»,- նշված է ամերիկյան դիվանագիտությահն ղեկավարի գրավոր հայտարարության մեջ։

Չորեքշաբթի ավելի վաղ ԱՄՆ ֆինանսների նախարարությունը հայտարարել էր իրանական ֆիզիկական եւ իրավաբանական անձանց ցուցակի հերթական ընդլայնման մասին, որոնց վրա տարածվում է ԱՄՆ միակողմանի պատժամիջոցների ազդեցությունը։ Սահմանափակող միջոցառումներ էին մտցվել Իրանի եւս 9 քաղաքացիների եւ 49 ձեռնարկությունների ու կազմակերպությունների, ինչպես նաեւ իսլամական հանրապետության դրոշի ներքո երթեւեկող մեկ նավի դեմ։ Թեհրանի դեմ ամերիկյան պատժամիջոցների ցուցակի ներկայիս ընդլայնումը վերաբերել է նաեւ Իրանի հետախուզության նախարար այաթոլլահ Մահմուդ Ալավիին եւ «Մոստազաֆան» («Ընչազուրկների հիմնադրամ») պետական հիմնադրամին, որը, Վաշինգտոնի կարծիքով, օգտագործում է երկրի գերագույն առաջնորդ եւ ղեկավար Ալի Խամենեին։