Ընտրեք պատկերն ու պարզեք ձեր հոգեկան վիճակը կյանքի այս փուլում. հոգեբանական թեստ
Այս թեստը օգնում է արագ և արդյունավետ պարզել մարդու հոգեբանական բնութագիրը: Ընտրե´ք 5 երկրաչափական պատկերներից ձեզ առավել հոգեհարազատը և պարզեք ձեր հոգեկան վիճակը կյանքի այս փուլում:
ՔԱՌԱԿՈՒՍԻ – Բնորոշ է աշխատասիրությունը, սկսած գործն ավարտին հասցնելու սովորությունը, համբերությունը,հետևողականությունը: Այս հատանիշների շնորհիվ մարդն իր ընտրած ոլորտում դառնում է լավ մասնագետ: Այս մարդիկ հաճախ մեծ նշանակություն են տալիս երկրորդական նշանակության իրերին և երևույթներին: Շատ են սիրում կարգ ու կանոն, նրանց համար ամեն ինչ պետք է լինի իր տեղում և կատարվի ժամանակին: Այս տիպի մարդկանց բնորոշ են նախապես ծրագրավորված գործողությունները, չեն սիրում անակնկալներ, չեն սիրում նաև ընթացքից շեղված իրադրություններ: Ապրում են խիստ ծրագրավորված կյանքով և նպատակաուղղված գործունեությամբ: Կենսական որոշումներ ընդունելիս չափազանց երկար են մտածում:Ոչ հստակ իրավիճակներում նրանք գործում են անարդյունավետ,սակայն երբ իրավիճակը հստակ է, կատարման ժամկետը կանոնակարգված այս մարդիկ գերազանցում են մյուս բոլոր պատկերներին:
ԵՌԱՆԿՅՈՒՆ – Խորհրդանշում է առաջնորդություն: Նրանց ամենաբնորոշ հատականիշը գլխավոր նպատակի վրա կենտրոնանալու ունակությունն է: Նրանք գործունյա են, իրենց առջև հստակ նպատակ են դնում և հասնում են այդ նպատակին: Միշտ գիտեն թե որն է իրենց գլխավոր նպատակը: Ինքնավստահ են, ցանկանում են միշտ և ամենուրեք լինել իրավիճակի տերը, սիրում են մրցակցությունը և ամբողջ կյանքի ընթացքում ձգտում են ավելի ու ավելի առաջ գնալ: Նրանց հիմնական սկզբունքն է' հաղթանակ և հաջողություն: Որոշումներ ընդունելիս հաճախ են ռիսկի դիմում և տանել չեն կարողանում տատանվող և թուլակամ մարդկանց: Սխալ լինել չեն սիրում և իրենց սխալները դժվարությամբ են ընդունում: Այս մարդիկ փառասեր են, որևէ գործ սկսելուց առաջ կամ որոշումներ ընդունելիս նրանց հետաքրքրում է մի հարց' ի՞նչ կշահեմ այս գործից:
ՔԱՌԱՆԿՅՈՒՆ- Խորհրդանշում է փոփոխություններ: Այս վիճակը ժամանակավոր է, որը կարող է առաջանալ ներկայացված բոլոր պատկերների կյանքի տարբեր ժամանակաշրջաններում: Այս պատկերն ընտրած մարդիկ իրենց կյանքի տվյալ փուլում բավարարված չեն և ցանականում են այն փոխել: Նման անկայուն վիճակում հայտնվելու պատճառները բազմազան են' տարիքային ճգնաժամեր, մասնագիտության և պաշտոնի, ինչպես նաև անձնական կյանքի փոփոխություններ (ամուսնություն,ամուսնալուծություն) : Եթե ուշադիր լինենք այս մարդկանց վարքագծին, կնկատենք որ ժամանակ առ ժամանակ իրենց վարքով նրանք նմանվում են մյուս բոլոր պատկերներին: Վարքի այդպիսի անակնկալ և չհիմնավորված փոփոխությունները նրանց շրապատի մարդկանց հաճախ զարմացնում է և տարակուսանքի մեջ գցում:
ՇՐՋԱՆ- Խորհրդաշում է ներդաշնակություն: Բոլոր պատկերներից ամենաբարին է: Այս տիպին պատկանող մարդիկ շատ զգույշ են, ունեն ուրիշներին ապրումակցելու մեծ պատրաստակամություն: Մարդկանց լավ են ճանաչում, առանց դժվարությունների տարբերում են ստախոսներին և բանսարկուներին: Սիրում են իրենց ընտանիքը, ընկերներին, հարազատներին: Շրջապատի կողմից նույնպես սիրված են և հարգված: Երբեք մարդկանց չեն վիրավորում, չեն սիրում վիճել և կոնֆլիկտների մեջ մտնել, գերադասում են խաղաղ իրավիճակներ: Կոնֆլիկտային իրավիճակում միշտ հանդես են գալիս զիջողի դերում և առաջինն են հաշտության ձեռք մեկնում: Չնայած այս հատկանիշների շնորհիվ շրջապատում գնահատվում են, սակայն կա մի վտանգ, հաճախակի զիջումների պատճառով կարող են կորցնել շրջապատի հարգանքը և դառնալ «քավության նոխազ»:Այս մարդկանց համար շատ դժվար է պաշտոններ զբաղեցնելը, քանի որ նրանք ավելի շատ հակված են մարդկանց, քան գործին:
ԿԵՌԱԳԻԾ – Խորհրդանշում է ստեղծագործականություն: Այս մարդիկ կրթված են, ունեն գեղագիտական ճաշակ, զարգացած ինտուիցիա, նույնություններ չեն սիրում: Աշխարհը նրանց աչքերում միշտ փոխվում է: Հստակ և պլանավորված աշխատանքային միջավայրում աշխատել չեն կարողանում: Նրանց մտքում անընդհատ մտքեր են և երբեմն այնքան են ոգևորվում իրենց գաղափարներով, որ պատրաստ են բոլորին պատմել այդ մասին: Ազատամիտ են, չեն սիրում կախվածություն ունենալ ուրիշներից, հատկապես աշատանքային գործունեության մեջ: Ինչպես եռանկյունիները, նրանք նույնպես ուժեղ են և անսանձ: Սակայն, եթե եռանկյունիներին առաջ են մղում եսասիրակա դրդապատճառները, ապա կեռագծերին առաջնորդում են իրենց նոր գաղափարները: Նրանց աշխատատեղը, աշխատասեղանը, զգեստների պահարանը ստեղծագործական խառնաշփոթի մեջ է, որի կարգ ու կանոնը միայն իրենք գիտեն: Նրանք շատ են վրդովվում, եթե ուրիշները փորձում են այդ իրերը դասավորել:
Օնլայն հոգեբան. Ֆեյսբուք