Մակեդոնացի ֆուտբոլիստները՝ Հայաստանի հավաքականի դեմ խաղի մասին

Հյուսիսային Մակեդոնիայի հավաքականի ֆուտբոլիստներ Իգոր Տրիչկովսկին, Դարկո Միցևսկին ու Էնուր Տոտրեն խոսել են Հայաստանի դեմ Ազգերի լիգայի խմբային փուլի վերջին՝ 6-րդ տուրի հանդիպման մասին, փոխանցում է երկրի ֆուտբոլի ֆեդերացիայի մամուլի ծառայությունը:

«Թիմում մթնոլորտը հրաշալի է՝ ամենաբարձր մակարդակի: Երբեք չենք ունեցել մոտիվացիայի պակաս: Մոտիվացված ենք ինչպես թիմային առումով, այնպես էլ՝ անհատապես: Վաղվա խաղում կապացուցենք, որ կարող ենք: Կանենք ամեն բան դրական արդյունքի հասնելու համար: Այս ստադիոնում խաղալը հարմարավետ է ինձ համար: Երկրպագուներ չեն լինի, բայց մենք ունենք լրացուցիչ մոտիվացիա՝ խմբում առաջին տեղ գրավելը», - ասել է Կիպրոսի ԱԵԿ-ի հարձակվող Իգոր Տրիչկովսկին:

«Մենք նվաճեցինք Եվրոպայի առաջնության ուղեգիր, ինչին արժանի էինք: Յուրաքանչյուր հանդիպումը կարևոր է, և մենք ճիշտ ենք գնահատում իրավիճակը: Որպես թիմ ծանոթ ենք Հայաստանի հավաքականին, բայց մեզ համար կարևորը կոլեկտիվ աշխատանքը կատարելն է: Կան բազմաթիվ փոփոխություններ, շատ խաղացողներ բացակայում են, բայց ես հավատում եմ թիմի մյուս ֆուտբոլիստներին: Կանենք հնարավոր ամեն բան: Կարևոր է հաղթել այս խմբում ու դուրս գալ B դիվիզիոն»,- ասել է մակեդոնական «Շկենդիյայի» խաղացող Էնուր Տոտրեն:

«Ազգային հավաքական հրավիրվելը մեծ պատիվ է: Կփորձեմ արդարացնել սպասելիքները: Կիսապաշտպանում Էլմասին, Ադեմիին ու Բարդիին փոխարինելը մեծ ճնշում է: Յուրաքանչյուր խաղացող այրվում է իր երկրի հավաքականում խաղալու ցանկությամբ»,- ասել է մակեդոնական «Վարդարի» կիսապաշտպան Դարկո Միցևսկին, որը Հայաստանի հավաքականի դեմ խաղից առաջ է հրավեր ստացել ազգային թիմից:

Հիշեցնենք, որ ՈւԵՖԱ-ի որոշմամբ, Հայաստան – Հյուսիսային Մակեդոնիա հանդիպումը նոյեմբերի 18-ին Երևանի «Հանրապետական» ստադիոնի փոխարեն կանցկացվի չեզոք դաշտում՝ Կիպրոսի մայրաքաղաք Նիկոսիայի GSP ստադիոնում (Երևանի ժամանակով 21:00-ին):

Ազգերի լիգայի C դիվիզիոնի երկրորդ խմբի 5-րդ տուրից հետո Խոակին Կապառոսի գլխավորած թիմը 8 միավորով երկրորդ տեղում է: Առաջատար Հյուսիսային Մակեդոնիան ունի 9 միավոր, Վրաստանը՝ 6, իսկ Էստոնիան՝ 2: Նոյեմբերի 15-ին անցկացված նախ