Մահափորձ երգիչ Վիտասի նկատմամբ. հենց բեմում փորձել են խեղդելով սպանել նրան
Սերգեյ Ժորինը՝ երգիչ Վիտասի փաստաբանը, Life News-ին պատմել է այն մասին, որ համերգի ժամանակ Վիտասի նկատմամբ մահափորձը կարող էր վրեժ լինել. մայիս ամսին երգիչը դարձել էր սկանդաային ճանապարհատրանսպորտային պատահարի մասնակից:
«Մի քանի րոպե առաջ ինձ զանգահարեց Սերգեյ Պուդովկինը և հաղորդեց, որ Վիտասը հարձակման է ենթարկվել,-պատմել է Սերգեյ Ժորինը:-Բեմ է դուրս եկել մի տղամարդ և սկսել խեղդել Վիտասին, բայց ոստիկանության աշխատակիցները ժամանակին են վրա հասել: Նմանատիպ պահվածքի շարժառիթը կարող էր վրեժը լինել: Ինձ որքան հայտնի է, սա միակ դեպքը չէ: Հնարավոր է, որ մահափորձը կապված է այն պատմության հետ, որը Վիտասի հետ պատահեց մայիս ամսին:
Առաջին հերթին, անկասկած, պետք է վերականգնել Վիտասի առողջությանը հասցված վնասները: Սակայն պակաս կարևոր չէ բացահայտել այս հանցագործության շարժառիթները: Իհարկե, որպես Վիտասի փաստաբան, ես ուշադիր հետևելու եմ այն ստուգումներին, որոնք կացկացվեն այս փաստով»:
Ժորինի խոսքով՝ առայժմ հայտնի չէ, թե մահափորձ իրականացնողը սպառնալիքներ է՞լ է հասցրել Վիտասի հասցեին, թե ոչ. արտակարգիրավիճակի պահին բեմում երաժշտություն հնչելիս է եղել:
«Հարձակումն անսպասելի է եղել և այժմ տեղեկություն չկա՝ չարագործը ինչ-որ բան գոռացել է, թե ոչ,- հայտնել է երգչի փաստաբանը: -Դա կարող է միայն Վիտասն ասել, քանի որ դա տեղի է ունեցել նրա՝ երգերից մեկի ժամանակ, և շրջապատողները չեն կարողացել լսել թե այդ պահին ինչ է գոռացել չարագործը: Նրան բժշկական օգնություն են ցուցաբերել և նա բացատրություններ է տվել ոստիկաններին, ես այդ մասին նրա հետ կխոսեմ»,- եզրափակել է փաստաբանը: