Ֆրանսիայում եւ Ավստրիայում ահաբեկչությունները ԵՄ-ին չեն ստիպի հրաժարվել իր արժեքներից․ Եվրոպայի խորհուրդ

Ֆրանսիայի քաղաքներում եւ Վիեննայում ահաբեկչությունները Եվրոպային չեն ստիպի հրաժարվել իր հիմնարար արժեքներից։ Այս մասին այսօր հայտարարել է Հունաստանի ԱԳ առաջին փոխնախարար եւ Եվրոպայի խորհրդի Նախարարների կոմիտեի նախագահ Միլտիադիս Վարվիցիոտիսը՝ Աթենքում Կոմիտեի 130-րդ նստաշրջանի բացման ժամանակ։ Հայտարարությունը հեռարձակվել է Հունաստանի կառավարական կայքում՝ նվիրված ԵԽ-ում երկրի նախագահությանը, փոխանցում է ՏԱՍՍ-ը։

«Վերջերս Ֆրանսիայում, Վիեննայում տեղի ունեցած իրադարձությունները, երբ փաստացի փորձեցին մեզ ստիպել խոնարհվել եւ վախ զգալ ահաբեկչության պատճառով, մեզ չեն ստիպի նահանջել մեր արժեքներից։ Եվ անչափ կարեւոր է ոչ միայն ցավակցություններ փոխանցել զոհերի ընտանիքներին, ոչ միայն ասել, որ մենք իսկապես մտահոգված են հանրույթներում ստեղծված իրավիճակով, որոնք ենթարկվել են այդ ահաբեկչական հարձակումների հարվածներին, այլ նաեւ ազդակ ուղարկել, որ մենք հանձնառու ենք մեր հիմնարար արժեքներին ի դեմս ցանկացած վտանգի, ներառյալ ահաբեկչությունը»,- շեշետել է Վարվիցիոտիսը։

Երկուշաբթի Վիեննայում հրաձգություն էր տեղի ունեցել 6 վայրում, այդ թվում սինագոգի մոտ։ Մահացել էր 4 մարդ, 22-ը վիրավորվել, այդ թվում՝ մեկ ոստիկան։ Հանցագործներից մեկին ոչնչացրել էին ոստիկանները, նա «Իսլամական պետություն» խմբավորման հետեւորդ էր։ Ոստիկանությունից հայտնել էին, որ հրաձգությունը կատարել են մի քանի մարդիկ, նրանք լավ զինված էին։ Ավստրիայի իշխանությունները տեղի ունեցածը ահաբեկչություն են որակել։

Վերջին շրջանում Ֆրանսիայում իրականացվել էին մի քանի ահաբեկչություններ։