Պոմպեոն եւ Էսփերը հանդես կգան Հնդկաստանում Թրանփի հակաչինական ուղերձով

ԱՄՆ-ում նախագահական ընտրություններից ընդամենը մի քանի շաբաթ առաջ երկրի նախագահ Դոնալդ Թրամփի վարչակազմի պետական անվտանգության ոլորտում երկու բարձրաստիճան ներկայացուցիչները կայցելեն Հնդկաստան, որտեղ կանցկացնեն հանդիպումներ, որոնք, հիմնականում, կենտրոնացած են Չինաստանի համաշխարհային ազդեցությանը հակազդելու ուղղությամբ, հաղորդում է Associated Press-ը:

Երեքշաբթի ԱՄՆ պետքարտուղար Մայք Պոմպեոն եւ Պենտագոնի ղեկավար Մարկ Էսփերը կհանդիպեն իրենց հնդիկ գործընկերների հետ ռազմավարական բանակցություններ անցկացնելու համար: Կողմերը նաեւ կքննարկեն անվտանգության թեման: Այնուհետեւ ԱՄՆ պետքարտուղարը կշարունակի իր գործնական ճանապարհորդությունը եւ կուղեւորվի Շրի Լանկա, Մալդիվներ ու Ինդոնեզիա:

Բոլոր այդ երկրները պայքարում են Վաշինգտոնի եւ Պեկինի միջեւ լարվածության հետ, որը վերջին շրջանում ուժգնացել է, մինչդեռ Թրամփը փորձում է ներկայացնել իր քաղաքական մրցակից Ջո Բայդենին՝ որպես քաղաքական գործիչ, որն ունի Չինաստանի նկատմամբ թույլ դիրքորոշում:

Վերջին շրջանում Հնդկաստանի վարչապետ Նարենդրա Մոդիի հետ Թրամփի հարաբերությունները բարելավվել են, սակայն դրանք կարող են ունենալ որոշակի հետընթաց ԱՄՆ նախագահի հայտարարության պատճառով, որն արվել էր հինգշաբթի Բայդենի հետ բանավեճի ժամանակ:

«Նայեք Չինաստանին, որքան կեղտոտ է այն: Նայեք Ռուսաստանին: Նայեք Հնդկաստանին: Այն կեղտոտ է: Օդը կեղտոտ է»,-հայտարարել է նա՝ աջակցելով իր որոշմանը դուրս գալ Կլիմայի փոփոխության փարիզյան համաձայնագրից:

Դեռեւս հայտնի չէ՝ վիրավորել է արդյոք այդ հայտարարությունը հնդիկներին եւ կազդի արդյոք Պոմպեոյի եւ Էսփերի այցի վրա: Միեւնույն ժամանակ դա կրիտիկական պահ է Հնդկաստանի եւ Չինաստանի միջեւ հարաբերությունների համար, քանի որ Չինաստանը գլխավոր դերակատարն է Խաղաղօվկիանոսյան տարածաշրջանում:

Հնդկա-չինական սահմանին լարվածության ուժգնացումը միայն ամրապնդել է ամերիկա-չինական թշնամանքը, որը սնուցվել է կորոնավիրուսի, առեւտրի, տեխնոլոգիաների, Թայվանի, Թիբետի, Հոնկոնգի, մարդու իրավունքների մասին եւ Չինաստանի ու Հարավ-Կորեական ծովում առավել մանր հարեւանների հետ վեճերով: Այդ տարածքային հավակնությունները կլինեն Ինդոնեզիայում Պոմպեոյի այցի առանցքային թեմաներից մեկը:

Մինչդեռ Հնդկաստանը փորձում է ազատվել ներքին խնդիրներից՝ ներառյալ Քաշմիրում անկարգություններից, քանի որ բախվում է կրկնակի սպառնալիքի հետ, ինչպիսիք են Չինաստանն ու Պակիստանը: