Ինչո՞ւ է խելացի տղամարդը լավ գեղեցիկ տղամարդուց
Կանանց մեծամասնությունը կյանքի ընկեր ընտրելիս իհարկե ուշադրություն է դարձնում տղամարդու արտաքինին' սկսած բոյից, կառուցվածքից, վերջացրած' հագուկապով: Եթե տղամարդու արտաքինը հեռու է կնոջ երազածից, ապա դժվար թե նա ավելի հեռուն ցանկանա տեսնել: Սակայն իզուր: Անպայման պետք չէ, որ տղամարդը լինի գեղեցիկ, խնամված ու լավ հագուկապով: Տղամարդու համար շատ ավելի կարևոր է, որ նա ճիշտ կառուցի իր բիզնեսը, հարաբերությունները, տունն ու շատ այլ բաներ: 1.Խելացի տղամարդը գիտի, թե ինչ է ասում: Իսկ նա հաճախ խոսում է խելացի ու կարևոր բաներ: Դրանք միշտ չէ, որ հասկանալի են կանանց, սակայն հնչում են լուրջ, հեղինակավոր ու համոզիչ: Այն կանայք, որոնք ավելի խելացի են, սիրահարվում են նրա խելքին, տրամաբանությանը, մտածելակերպին, իսկ նրանք, որոնք այնքան էլ ճարտար չեն, հիանում են նրանով, թե ինչպես է տղամարդը թեթև ու վստահ խոսում ինչ-որ անհասկանալի լեզվով: 2.Խելացի տղամարդը գիտի, թե ինչ է անում: Նա միանգամից մի 100 քայլ առաջ է մտածում, դրա համար էլ կարող է ամեն ինչ անել, անգամ' ամենահամարձակ ձեռնարկները, ամենաբարդ խնդիրները, ամենաանլուծելի թվացող խնդիրները: Երբ թվում է, թե բոլոր տարբերակները փորձած են ու դա ոչ մի արդյունք չի տվել, նա կգտնի ևս մեկ , նոր այլընտրանքային տարբերակ, որը, ինչպես հետո կպարզվի, միակ արդյունավետ ու ճիշտ լուծումն է: 3.Խելացի տղամարդը գիտի իր բոլոր թերությունները: Իդեալական մարդիկ չեն լինում: Սակայն, ոչ բոլորը դա գիտեն, կամ էլ չեն կարողանում լրիվ օբյեկտիվորեն գնահատել իրենց հնարավորությունները, ունակությունները և արտաքին տվյալները: Խելացի տղամարդը միշտ գիտի, թե ինչպես կարող է թաքցնել իր թերությունները կամ էլ դրանք արժանիքների վերածելու ձևը: 4.Խելացի տղամարդն անտեսում է իրեն ցանկալի, հավանած կնոջ թերությունները: Եթե տղամարդը ցանկանում է մի կնոջ, սակայն ինչ-որ կերպ, կամա թե ակամա, նրան հասկացնել է տալիս, որ կինն իր ճաշակով չէ, իդեալական չէ, ապա դժվար թե նա արժանանա կնոջ բարեհաճությանը: Խելացի տղամարդը, տեսնելով ու հասկանալով ավելին, քան միջինվիճակագրական մարդը, ընդունում է իր ընտրած կնոջն այնպիսին, ինչպիսին նա կա: Նման վերաբերմունքից շահում են երկու կողմերը: Կինն իրեն գեղեցիկ է զգում, ցանկալի, իսկ ամուսինը առանց կասկածի համոզված է, որ կինն անմնացորդ, անկեղծ իրեն է նվիրված, սիրող ու հավատարիմ է: 5.Խելացի տղամարդը միշտ հասնում է նրան, ինչին ձգտում է, ինչ ուզում է և որ կնոջն ուզում է: Ուրեմն, մտքի, խելքի ճիշտ կազմակերպման ու տարածության մեջ տվյալների համակարգման ունակության շնորհիվ խելացի տղամարդը կարող է նույն հաջողությամբ գողանալ կամ էլ միլիոն աշխատել, սիրել, իրեն սիրահարեցել դուր եկած կնոջը: